අමෙරිකානු ජනාධිපති ඩොනල්ඩ් ට්රම්ප් ඊයේ (12) රාත්රියේ 14 වන ලියෝ පාප් වහන්සේට එරෙහිව දැඩි වාචික ප්රහාරයක් එල්ල කළේය. පාප් වහන්සේ අපරාධ මර්දනයේදී “දුර්වල” අයෙකු බවත් විදේශ ප්රතිපත්ති සම්බන්ධයෙන් “භයානක” අයෙකු බවත් ට්රම්ප් සිය ‘Truth Social’ ගිණුමේ සටහනක් තබමින් ප්රකාශ කළේය. ට්රම්ප්ගේ විදේශ සහ ආගමන විගමන ප්රතිපත්ති පාප් වහන්සේ විසින් විවේචනය කිරීම මෙයට ප්රධාන හේතුව වී තිබේ.
පසුගිය පෙබරවාරි 28 වනදා ආරම්භ වූ ඉරාන යුද්ධය සම්බන්ධයෙන් පාප් වහන්සේ සිය දැඩි අකමැත්ත පළ කර ඇති අතර ඉරාන ශිෂ්ටාචාරය විනාශ කරන බවට ට්රම්ප් සිදු කළ තර්ජනය “පිළිගත නොහැකි” බව ද එතුමන් ප්රකාශ කර තිබුණි. එමෙන්ම ට්රම්ප් පාලනය යටතේ සංක්රමණිකයන්ට සලකන ආකාරය පිළිබඳව ද පාප් වහන්සේ සිය කනස්සල්ල පළ කර ඇත. “ලියෝ පාප් වහන්සේ ලෙස සිය කටයුතු නිවැරදිව කරගත යුතු” බවත් තමන් එතුමන්ගේ “විශාල රසිකයෙකු නොවන” බවත් ට්රම්ප් මාධ්යවේදීන් හමුවේ වැඩිදුරටත් පවසා තිබේ.
ලියෝ පාප් වහන්සේ අද සිය දස දින අප්රිකානු සංචාරය ආරම්භ කිරීමට නියමිතව තිබියදී මෙම දේශපාලන ගැටුම ඇති වීම ජාත්යන්තර අවධානයට ලක්ව ඇත. ආගමික නායකයෙකු සහ ලොව බලවත්ම රාජ්ය නායකයා අතර පවතින මෙම මතභේදය ඉදිරි සාම සාකච්ඡා සහ කලාපීය ආරක්ෂාව කෙරෙහි ද බලපෑමක් එල්ල කළ හැකි බව විචාරකයෝ පවසති.
