ඇමරිකානු ශ්රේෂ්ඨාධිකරණය විසින් ජනාධිපති ඩොනල්ඩ් ට්රම්ප් පැනවූ හදිසි ආනයන බදු නීතිවිරෝධී බවට තීන්දු කිරීමත් සමඟ, ඊට ප්රතිචාර ලෙස වෙළඳ ගිවිසුම්වලින් ඉවත් වීමට උත්සාහ කරන රටවලට මීටත් වඩා වැඩි බදු පනවන බවට ට්රම්ප් අනතුරු අඟවයි. වසර ගණනාවක් තිස්සේ ඇමරිකාව සූරාකෑ රටවල් මෙම අධිකරණ තීන්දුවෙන් ප්රයෝජන ගෙන “සෙල්ලම් දැමීමට” උත්සාහ කළහොත්, වෙනත් නීතිමය ප්රතිපාදන යටතේ මීට වඩා දරුණු බදු පැනවීමට තමා පසුබට නොවන බව ඔහු සිය Truth Social ගිණුමේ සටහනක් තබමින් ප්රකාශ කළේය. ට්රම්ප්ගේ මෙම දැඩි ස්ථාවරයත් සමඟ ලෝක වෙළඳපොළේ කොටස් මිල ගණන් පහත වැටී ඇති අතර, යුරෝපා සංගමය ඇතුළු රටවල් ඇමරිකාව සමඟ ඇති කර ගැනීමට නියමිතව තිබූ වෙළඳ ගිවිසුම් පිළිබඳ තීරණ තාවකාලිකව අත්හිටුවා තිබේ.
