එක්සත් අරාබි එමීර් රාජ්යයේ ඉදිරි දින කිහිපය තුළ බටහිර ප්රදේශ, වෙරළබඩ සහ දූපත් ආශ්රිතව සැහැල්ලු වර්ෂාපතනයක් අපේක්ෂා කළ හැකි බව එරට ජාතික කාලගුණ විද්යා මධ්යස්ථානය (NCM) නිවේදනය කරයි. වරින් වර අහස වලාකුළින් බරව පවතින අතර විශේෂයෙන් බටහිර ප්රදේශවල පැයට කිලෝමීටර 40 දක්වා වේගවත් වන සුළං තත්ත්වයක් හේතුවෙන් දූවිලි සහිත ස්වභාවයක් පැවතිය හැකි බව ද වාර්තා වේ.
ඉදිරි දිනවලදී ගොඩබිම් ප්රදේශවල උපරිම උෂ්ණත්වය සෙල්සියස් අංශක 25-29 අතර පවතිනු ඇතැයි අපේක්ෂා කරන අතර, කඳුකර ප්රදේශවල රාත්රී කාලයේදී අවම උෂ්ණත්වය සෙල්සියස් අංශක 9 දක්වා පහත වැටිය හැකිය. අරාබි බොක්ක මුහුදු ප්රදේශය රළු විය හැකි බැවින් ඒ පිළිබඳව සැලකිලිමත් වන ලෙස කාලගුණ අංශ දැනුම් දෙයි. ලබන සඳුදා සහ අඟහරුවාදා දිනවල ද රටේ උතුරු සහ බටහිර ප්රදේශවලට තැනින් තැන වැසි ඇති විය හැකි බව කාලගුණ නිවේදනයේ වැඩිදුරටත් සඳහන් වේ.
