අන්තර්ජාලය ඔස්සේ ලබා ගන්නා විවිධ සේවාවන්වල මාර්ගගත දායකත්වයන් (Subscriptions) ඉතා පහසුවෙන් අවලංගු කිරීමට සහ ස්වයංක්රීයව අලුත් වන ගිවිසුම් සඳහා මුදල් ආපසු ලබා ගැනීමට හැකි වන පරිදි නව නීති පද්ධතියක් හඳුන්වා දීමට බ්රිතාන්ය රජය තීරණය කර තිබෙනවා.
බ්රිතාන්යයේ ව්යාපාර සහ වෙළඳ දෙපාර්තමේන්තුව (DBT) පෙන්වා දෙන්නේ මෙලෙස පාරිභෝගිකයන් මුළා කරමින් පවත්වාගෙන යන “Subscription traps” හෙවත් දායකත්ව උගුල් මර්දනය කිරීම තුළින් සාමාන්ය පුද්ගලයෙකුට වසරකට පවුම් 170ක් (රුපියල් 60,000කට ආසන්න මුදලක්) පමණ ඉතිරි කර ගැනීමට හැකි වනු ඇති බවයි.
නව නීති ක්රියාත්මක වීමත් සමඟ පාරිභෝගිකයන්ට දායකත්වයක් අවලංගු කිරීම සඳහා ආයතන වෙත නිමක් නැති දුරකථන ඇමතුම් ලබා දීමට සිදු නොවන අතර, “එක ක්ලික් එකකින්” එය අවලංගු කිරීමේ පහසුව හිමිවේ. එසේම නොමිලේ ලබා දෙන අත්හදා බැලීමේ කාලසීමාවකින් (Free trial) පසුව හෝ වාර්ෂික දායකත්වයක් ස්වයංක්රීයව අලුත් වූ විට, ඒ පිළිබඳ සලකා බැලීමට දින 14ක සහන කාලයක්ද (Cooling-off period) පාරිභෝගිකයාට හිමි වනු ඇත.
සමාගම් විසින් පාරිභෝගිකයන්ට හොර රහසේම මිල අධික කොන්ත්රාත්තු පටලැවීම වැළැක්වීම සඳහා සියලුම තොරතුරු කලින්ම පැහැදිලිව ලබා දිය යුතුය. එසේම නොමිලේ හෝ වට්ටම් සහිතව ලබාදෙන කාලසීමාවක් අවසන් වීමට ආසන්න වන විට සහ වසරක් හෝ ඊට වැඩි කාලයක් පවතින කොන්ත්රාත්තු අලුත් වීමට ආසන්න වන විට පාරිභෝගිකයන්ට ඒ පිළිබඳව මතක් කිරීම් (Reminders) සිදු කිරීමද සමාගම්වලට අනිවාර්ය වේ.
මෙම නව නීතිමය වෙනස්කම් 2027 වසරේ වසන්ත සමයේදී බලාත්මක කිරීමට නියමිතව ඇති බවයි වාර්තා වන්නේ.
