පසුගිය වසරක කාලය තුළ බ්රිතාන්යයේ වෙළඳසැල් හතකින් එකක් (14%ක් පමණ) මුදල් නෝට්ටු හෝ කාසි භාර ගැනීම නතර කර, කාඩ්පත් සහ දුරකථන මගින් සිදුකරන ගෙවීම් පමණක් භාර ගැනීමට පියවර ගෙන ඇති බව බ්රිතාන්යයේ ප්රධාන ATM ජාලය වන ‘Link’ ආයතනය සිදුකළ නවතම සමීක්ෂණයකින් හෙළි වේ. බැංකු ගාස්තු අවම කර ගැනීම, ව්යාපාරික ස්ථානවල ආරක්ෂාව තහවුරු කර ගැනීම සහ පාරිභෝගික රුචිකත්වය මත ව්යාපාරිකයන් මෙම තීරණය ගෙන ඇති අතර තවමත් වෙළඳසැල් තුළ සිදුවන ගනුදෙනුවලින් අඩක් පමණ මුදල් භාවිතයෙන් සිදුවන බව ද වාර්තා වේ. මුදල් භාවිතය සීමා වීම නිසා තාක්ෂණය භාවිතා නොකරන සහ අඩු ආදායම්ලාභී පිරිස් අපහසුතාවයට පත්විය හැකි බවට බ්රිතාන්ය පාර්ලිමේන්තු මන්ත්රීවරුන් අනතුරු අඟවන අතර අත්යවශ්ය සේවා සඳහා මුදල් භාර ගැනීම අනිවාර්ය කිරීමට ඇතැම් රටවල් දැනටමත් අවධානය යොමු කර ඇත. මුදල් පමණක් භාවිතා කරන පිරිස් සඳහා භාණ්ඩ මිල ඉහළ යාමේ අවදානමක් පවතින බවත් එමගින් සමාජය තුළ ආර්ථිකමය වශයෙන් ස්ථර දෙකක් නිර්මාණය විය හැකි බවත් ආර්ථික විශ්ලේෂකයෝ පෙන්වා දෙති.
