සෞදි අරාබියේ රියාද් නගරයට දකුණු දෙසින් පිහිටි ප්රින්ස් සුල්තාන් (Prince Sultan) ගුවන් හමුදා කඳවුරට එල්ල වූ ඉරාන ප්රහාරයකින් ඇමරිකානු ගුවන් හමුදාවට අයත් E-3 Sentry වර්ගයේ අතිනවීන රේඩාර් යානයක් දැඩි ලෙස විනාශ වී ඇති බව තහවුරු කළ ඡායාරූප මඟින් අනාවරණය වේ. සමාජ මාධ්ය ඔස්සේ ප්රචාරය වූ මෙම ඡායාරූප චන්ද්රිකා තාක්ෂණය ඔස්සේ පරීක්ෂා කිරීමේදී එම යානය කොටස් දෙකකට කැඩී ගොස් ඇති බව තහවුරු වී තිබේ.
පසුගිය සිකුරාදා එල්ල වූ මෙම ප්රහාරයෙන් ඇමරිකානු භටයින් 12 දෙනෙකු තුවාල ලබා ඇති අතර ඉන් දෙදෙනෙකුගේ තත්ත්වය බරපතළ බව විදෙස් මාධ්ය වාර්තා කරයි. මීට අමතරව තවත් ඉන්ධන පිරවුම් යානා දෙකකට ද හානි සිදුව ඇති බව පැවසේ. ඉරානයේ IRGC පුවත් සේවය සඳහන් කර ඇත්තේ ‘ෂහීඩ්’ (Shahed) වර්ගයේ ඩ්රෝන යානයක් මඟින් මෙම ප්රහාරය එල්ල කර ඇති බවයි.
විනාශ වූ E-3 වර්ගයේ යානා යනු ගුවන් මෙහෙයුම් පාලනය කරන සහ සතුරු ඉලක්ක කල්තියා හඳුනා ගන්නා ඇමරිකානු ගුවන් හමුදාවේ ප්රධානතම රේඩාර් පද්ධතියකි. ඇමරිකානු මධ්යම අණසක (US Central Command) මේ පිළිබඳව මෙතෙක් නිල ප්රකාශයක් නිකුත් කර නොමැති වුවද, මෙම සිදුවීම කලාපීය යුදමය තත්ත්වය තවදුරටත් උත්සන්න කිරීමට හේතු වනු ඇතැයි ආරක්ෂක විශ්ලේෂකයෝ පෙන්වා දෙති.
