කුවේට් රාජ්යයේදී අමෙරිකානු හමුදාවට අයත් ගුවන් යානා කිහිපයක් අනතුරට ලක්ව ඇති බව කුවේට් ආරක්ෂක අමාත්යාංශය අද (02) පස්වරුවේ නිල වශයෙන් තහවුරු කළේය. මැදපෙරදිග කලාපයේ පවතින උණුසුම් යුද වාතාවරණය හමුවේ අමෙරිකානු ගුවන් මෙහෙයුම් ක්රියාත්මක වන අතරතුර මෙම අනතුර සිදුව තිබේ.
කුවේට් ආරක්ෂක අමාත්යාංශ ප්රකාශක කර්නල් සයිඩ් අල්-අට්වාන් (Col. Said Al-Atwan) ප්රකාශ කර ඇත්තේ අනතුරට පත් යානාවල සිටි සියලුම කාර්ය මණ්ඩල සාමාජිකයන් දිවි ගලවා ගැනීමට සමත් වී ඇති බවයි. හමුදා ජෙට් යානයක් කුවේට් දේශයට කඩා වැටෙන අයුරු සහ එහි ගුවන් නියමුවා පැරෂූට් ආධාරයෙන් නිරුපද්රිතව පොළොවට පතිත වන ආකාරය දැක්වෙන වීඩියෝ දර්ශන මේ වන විට විදෙස් මාධ්ය විසින් තහවුරු කර ඇත.
අනතුර වාර්තා වූ වහාම කුවේට් බලධාරීන් විසින් සෝදිසි කිරීමේ සහ මුදාගැනීමේ මෙහෙයුම් ආරම්භ කර තිබේ. කෙසේ වෙතත්, මෙම යානා කඩාවැටීමට හේතුව තාක්ෂණික දෝෂයක්ද නැතහොත් සතුරු ප්රහාරයක්ද යන්න පිළිබඳව මෙතෙක් අනාවරණය වී නොමැති අතර, අමෙරිකානු පාර්ශ්වය මේ දක්වා කිසිදු නිල ප්රකාශයක් සිදු කර නොමැති වීම විශේෂත්වයකි.
