ලුණුගම්වෙහෙර ජලාශයේ මසුන් ඇල්ලීමට ගොස් සිටියදී ඔරුව පෙරළී අතුරුදන් වූ ධීවරයින් දෙදෙනාගෙන් එක් අයෙකුගේ මළසිරුර ඊයේ (01) සොයාගත් බව අගුණකොලපෑලැස්ස පොලිසිය අද (02) තහවුරු කළේය. අතුරුදන්ව සිටින අනෙක් ධීවරයා සෙවීම සඳහා නාවික හමුදාව සහ පොලිසිය එක්ව තවමත් මෙහෙයුම් ක්රියාත්මක කරමින් සිටියි.
මියගොස් ඇත්තේ අගුණකොලපෑලැස්ස ධීවර ගම්මානයේ පදිංචිව සිටි 18 හැවිරිදි අතපත්තු මලිත් තිවංක නැමැති තරුණයෙකි. ඔහු පසුගිය 28 වැනිදා පෙරවරුවේ 29 හැවිරිදි රොෂාන් ප්රදීප් කුමාර නැමැති අනෙක් ධීවරයා සමඟ ජලාශයේ මසුන් අල්ලමින් සිටියදී ඔරුව පෙරළී මෙම අනතුරට මුහුණ දී තිබේ. ඔවුන් දෙදෙනා ජලයේ ගිලෙන අයුරු ඒ අසල සිටි වෙනත් ධීවරයන් දෙදෙනෙකු දැක ඇති බව පොලිස් විමර්ශනවලදී අනාවරණය විය.
තිස්සමහාරාමය දෙබරවැව මූලික රෝහලේදී පවත්වන ලද පශ්චාත් මරණ පරීක්ෂණයේදී අධිකරණ වෛද්ය නිලධාරීවරයා නිගමනය කර ඇත්තේ මෙය දියේ ගිලීමෙන් සිදු වූ මරණයක් බවයි. අතුරුදන්ව සිටින අනෙක් ධීවරයා සොයා කිරින්ද නාවික හමුදා කඳවුරේ කිමිදුම්කරුවන් සහ ප්රදේශවාසීන් එක්ව තවදුරටත් ජලාශය පරීක්ෂා කරමින් සිටිති.
