ඇමෙරිකාවේ නිව්යෝර්ක් ප්රාන්තයේ රෝම් (Rome) නගරයේ සිදුවූ මිනීමැරුමක් සම්බන්ධයෙන් 47 හැවිරිදි ග්රෙගරි මිග්නොට් (Gregory Mignot Jr.) නැමැති අයෙකු අත්අඩංගුවට ගෙන තිබේ. රෝම් පොලිස් දෙපාර්තමේන්තුව සඳහන් කළේ ඊයේ (06) උදෑසන නෝර්ත් ලෙවිට් වීදියේ (North Levitt Street) පිහිටි නිවසක් පරීක්ෂා කිරීමේදී සැකකරු අත්අඩංගුවට ගත් බවයි.
මයිකල් බ්රවුන් (Michael Brown) නැමැති පුද්ගලයාගේ මරණය සම්බන්ධයෙන් මොහුට දෙවන ගණයේ මිනීමැරුම් චෝදනා එල්ල කර ඇත. රෝම් නගර අධිකරණයට ඉදිරිපත් කිරීමෙන් පසු සැකකරුට ඇප ලබාදීම ප්රතික්ෂේප කර ඇති අතර, ඔහු දැනට ඔනෙයිඩා ප්රාන්ත බන්ධනාගාරයේ රඳවා සිටී.
මෙම විමර්ශනය සඳහා රෝම් පොලිස් විශේෂ විමර්ශන ඒකකය, ඔනෙයිඩා ප්රාන්ත විශේෂ විමර්ශන ඒකකය සහ නිව්යෝර්ක් ප්රාන්ත පොලිසියේ ප්රචණ්ඩ කල්ලි සහ මත්ද්රව්ය මර්දන ඒකකය ඇතුළු ආයතන කිහිපයක් එක්ව කටයුතු කර තිබේ. සිද්ධිය සම්බන්ධයෙන් වැඩිදුර පරීක්ෂණ ක්රියාත්මක වේ.
