ලෝකයේ ප්රධානතම බලශක්ති සැපයුම් මාර්ගයක් වන හෝමුස් සමුද්ර සන්ධිය හරහා සිදුවන තෙල් ප්රවාහනය අඩාල කිරීමට ඉරානය පියවර ගතහොත් එරටට මෙතෙක් එල්ල නොවූ ආකාරයේ අතිශය විනාශකාරී ප්රහාරයකට මුහුණ දීමට සිදුවන බව අමෙරිකානු ජනාධිපති ඩොනල්ඩ් ට්රම්ප් දැඩිව අනතුරු අඟවා තිබේ. එවැනි අවස්ථාවක දැනට එල්ල වන ප්රහාර මෙන් විසි ගුණයක ප්රබලත්වයෙන් යුත් ප්රහාර එල්ල කරන බව ජනාධිපතිවරයා අවධාරණය කළ අතර මැදපෙරදිග යුදමය වාතාවරණය හේතුවෙන් ලෝක වෙළඳපොළේ බොරතෙල් මිල සියයට 25ක පමණ ඉහළ අගයක පැවතීම නිසා ඒ පිළිබඳව සාකච්ඡා කිරීමට G7 රටවල මුදල් අමාත්යවරුන් ද හදිසි රැස්වීමක් කැඳවා තිබුණි. මෙම තත්ත්වය හමුවේ ආසියා-පැසිෆික් කලාපයේ කොටස් වෙළඳපොළවල් කිහිපයක මිල ගණන් ඉහළ ගොස් ඇති අතර පසුගිය දින 10 තුළ අමෙරිකාව සහ ඊශ්රායලය ඒකාබද්ධව ඉරානයේ ඉලක්ක 5,000කට පමණ ප්රහාර එල්ල කරමින් ඉරාන නෞකා 50කට අධික ප්රමාණයක් සහ හමුදා ගුවන් තොටුපළ 6ක් විනාශ කර ඇති බව ද වාර්තා වේ. තවද ප්රහාර දැඩි කිරීමේ සූදානමක් ලෙස අමෙරිකානු ගුවන් හමුදාවට අයත් ප්රබල B-52 බෝම්බ හෙලන යානා කිහිපයක් ද බ්රිතාන්යය වෙත ළඟා වී ඇති බව විදෙස් මාධ්ය වැඩිදුරටත් සඳහන් කරයි.
