ඉරාකය තුළ ක්රියාත්මක වන ඉරාන හිතවාදී සන්නද්ධ කණ්ඩායම් විසුරුවා හැරීම සඳහා බෑග්ඩෑඩ් පාලනයට බලපෑම් කරමින්, ඇමෙරිකානු ජනාධිපති ඩොනල්ඩ් ට්රම්ප්ගේ පරිපාලනය ඉරාකයට සිදුකරන අමෙරිකානු ඩොලර් නැව්ගත කිරීම් අත්හිටුවා ඇති බව වෝල් ස්ට්රීට් ජර්නල් (WSJ) පුවත්පත වාර්තා කරයි. මීට අමතරව ඉරාක හමුදාව සමඟ පවතින ආරක්ෂක සහයෝගිතා වැඩසටහන් ද අත්හිටුවීමට ඇමෙරිකානු රජය පියවර ගෙන තිබේ.
නිව්යෝර්ක් හි ෆෙඩරල් රිසව් බැංකුවේ (Federal Reserve Bank) පවත්වාගෙන යන ඉරාක තෙල් අලෙවි ආදායම් ගිණුම්වලින් ලබාදීමට නියමිතව තිබූ ඩොලර් මිලියන 500ක පමණ මුදල් තොගයක් ඇමෙරිකානු මහා භාණ්ඩාගාර නිලධාරීන් විසින් මෙලෙස අවහිර කර ඇත. මෙම පියවර හරහා ඉරාකය හරහා ඉරානයට සහ ඔවුන්ගේ සහාය ලබන සන්නද්ධ කණ්ඩායම් වෙත ඩොලර් ගලායාම පාලනය කිරීම ඇමෙරිකාවේ අරමුණ වී තිබේ. මෙම තත්ත්වය හමුවේ ඉරාකයේ දේශීය වෙළඳපොළ තුළ ඩොලරයේ අගය ඉහළ යාමේ සහ ආර්ථික අස්ථාවරත්වයක් ඇතිවීමේ අවදානමක් පවතින බව විදේශීය වාර්තා පෙන්වා දෙයි.
