ඌව පළාත් සභාවේ 2025 වර්ෂයේ සමස්ත ආදායම රුපියල් බිලියන 04ක වාර්තාගත මට්ටමකට ළඟා වී ඇති බව ඌව පළාත් නියෝජ්ය ප්රධාන ලේකම් (මූල්ය) බී.එල්. කුලරත්න මහතා නිවේදනය කරයි.
පළාත් සභාවේ ආදායම 2024 වර්ෂයේ පැවැති රුපියල් බිලියන 3.3ක මට්ටමේ සිට 2025 වසර අවසන් වන විට රුපියල් බිලියන 04 දක්වා වර්ධනය වී තිබේ. මෙය අපේක්ෂිත ආදායම් ඉලක්ක අභිබවා යාමකි.
මෙම සාර්ථකත්වයට හේතු වූ ප්රධාන කරුණු අතර නව ආදායම් ප්රභවයන් හඳුනා ගැනීම, හිඟ මුදල් අයකර ගැනීමේ ක්රමවත් වැඩපිළිවෙළ සහ ද්විත්ව ආපදා තත්ත්වයන් මධ්යයේ වුවද සිදු කළ නිසි මූල්ය කළමනාකරණය ප්රධාන වේ.
ඌව පළාත් ආණ්ඩුකාර කපිල ජයසේකර මහතා සහ ප්රධාන ලේකම් අනූෂා ගෝකුල ප්රනාන්දු මහත්මියගේ මඟපෙන්වීම යටතේ නිලධාරීන් දැක්වූ කැපවීම මෙම ජයග්රහණයට සෘජුවම බලපා ඇත.
2026 වර්ෂය සඳහා ද වඩාත් ඉහළ ආදායම් ඉලක්ක කරා ගමන් කිරීමටත්, පළාතේ සම්පත් උපරිම ලෙස භාවිත කරමින් මූල්ය ශක්තිය වර්ධනය කිරීමටත් සැලසුම් කර ඇති බව නියෝජ්ය ප්රධාන ලේකම්වරයා වැඩිදුරටත් සඳහන් කළේය.
