ජනතා විමුක්ති පෙරමුණේ නායක අනුර කුමාර දිසානායකට ලබන 16 වැනිදා ජනාධිපති වෙන්න පුළුවන් නම් තමාගේ සහායත් ලබා දෙන බව අනුරාධපුර දිස්ත්‍රික් තරුණ බළ මණ්ඩලය ශ්‍රී ලංකා නිදහස් පක්ෂ ජාතික සංවිධායක, හිටපු අමාත්‍යය පාර්ලිමේන්තු මන්ත්‍රී දුමින්ද දිසානායක මහතා පවසයි.
ඒ මහතා මේ බව පැවසුවේ ශ්‍රී ලංකා නිදහස් පක්ෂ අනුරාධපුර දිස්ත්‍රික් ප්‍රධාන කාර්යාලයේදී පැවැති රැස්වීමකට එක්වෙමින්.
එහිදී අදහස් දැක්වූ දුමින්ද දිසානායක මහතා, “ අනුර කුමාර දිසානායක මහතාට මේ රටේ ඡන්ද ලක්ෂ 04 ක් , 05 ක් ඇති තාරුණ්‍යයට වුණුත් එපා – මුණුත් එපා කියලා හිතලා ජනතා විමුක්ති පෙරමුණට ඡන්දය දුන්නොත් තමන්ගේ පළවැනි ඡන්දය, රටේ නායකයා තෝරා ගන්න තියෙන වෙලාවේ, නොවටිනා කෙනෙකුට කතිරය ගහලා ඡන්දය ගඟට කැපුව ඉනි වෙනවා.රටට, ආගමට, ජාතියට ඒ ඡන්දය වටින්නේ නෑ.අනුර කුමාරගේ කථා වලට මමත් හරි ආසයි, දැක්ම-මතවාදය හොඳයි,නොවැම්බර් මාසේ 16 අපි කතිරය ගහන්නේ හොඳම කථාවට දෙන මනාපයක් නෙමෙයි.අපි තෝරන්නේ රටේ නායකයෙක්, අනුර කුමාරට 16 වැනිදා ජනාධිපති වෙන්න පුළුවන් නම් මමත් එනවා අනුර කුමාරට උදව් කරන්න.එයාට ජනාධිපති වුණොත් ඔය කියන ඒවා කරන්න පුලුවන්.ජනාධිපති වෙන්න බැරි නම් අපි ගහන කතිරය වැඩක් වෙන්නේ නෑ. යැයි පැවසීය.
දිලිනි සමන්මලි
