රාජ්‍ය අමාත්‍ය රන්ජන් රාමනායක මහතා විසින් සිදු කළ ප්‍රකාශය සම්බන්දයෙන් එළැඹෙන සදුදා දින පැවැත්වෙන ආණ්ඩු පක්ෂ රැස්වීමේදී සාකච්ඡා කරන බව එක්සත් ජාතික පක්ෂ පාර්ලිමේන්තු මන්ත්‍රී මහාචාර්ය ආංශු මාරසිංහ මහතා පවසයි.
මන්ත්‍රීවරයා මේ බව පැවසුවේ අද (19) අරලියගහ මන්දිරයේ පැවැති මාධ්‍ය හමුවක් අමතමින්.
තවද කිසිදු අවස්ථාවක සංඝාවහන්සේලාට ප්‍රකාශයක් කිරීමේදී වඩාත් ප්‍රවේශමෙන් පැවැසිය යුතු බව ද හෙතෙම පැවසිය. තවද අමාත්‍ය ධුරය දරන අයෙක් හෝ පක්ෂයක නියෝජනය කරන අයෙකු නම් යම් විනයක් සහිතව ප්‍රකාශ නිකුත් කළ යුතු බව ඒ මහතා අනාවරණ කළේය. රන්ජන් මහතා විසින් සිදු කළ ප්‍රකාශය තරයේ හෙලා දකින බව ඔහු කියා සිටියේය. තව ද රන්ජන් රාමානායක මහතා විසින්එ වැනි ප්‍රකාශ සිදු කිරීමේදී අගතියට පත්වන පිරිසක් සිටින බවත් වැරදි කරපු අය සිටිනවානම් එය සාක්ෂි ඇතිව ප්‍රකාශ කළ යුතු බව මාරසිංහ මහතා කියා සිටියේය.
එමෙන්ම ඉදිරියේදී ඒ සම්බන්ධයෙන් පුළුල් සාකච්ඡාවක් සිදු කරන බවත් එම සිද්ධිය පිළිබඳ ආණ්ඩු පක්ෂ කණ්ඩායම සාකච්ඡාවක් පැවැත්වීමට කටයුතු කරනු ඇතැයි මාරසිංහ මහතා වැඩිදුරටත් කියා සිටියේය.
