ඉන්දියාවේ සිට වැඩම කරවනු ලබන සර්වඥ ධාතූන් වහන්සේ ප්රදර්ශනය කිරීම නිමිත්තෙන් කොළඹ හුණුපිටිය ගංගාරාම විහාරස්ථානය අවට විශේෂ ආරක්ෂක සහ රථවාහන සැලැස්මක් ක්රියාත්මක කරන බව පොලිසිය නිවේදනය කරයි. එළඹෙන පෙබරවාරි 05 වැනිදා උදෑසන 06.00 සිට 11 වැනිදා පෙරවරු 07.00 දක්වා ධාතූන් වහන්සේ ප්රදර්ශනය කෙරෙන අතර එම කාලය තුළ ජේම්ස් පීරිස් මාවත, ජිනරතන මාවත, මුත්තයියා පාර සහ පාර්ක් වීදිය ඇතුළු මාර්ග කිහිපයක් පොදු ප්රවාහනය සඳහා වසා තැබීමට නියමිතය. මීට අමතරව උත්තරානන්ද මාවත, යුනියන් පෙදෙස සහ ඉබ්බන්වල හන්දිය ආශ්රිත මාර්ගවලින් බර වාහන ඇතුළු කිරීම ද සීමා කර තිබේ.
බැතිමතුන්ගේ පහසුව උදෙසා පෝර්ට් සිටි, ෂැංග්රිලා හෝටලය අසල සහ පැරණි එම්.ඕ.ඩී. භූමියේ සිට ගංගාරාම විහාරස්ථානය දක්වා විශේෂ බස් රථ සේවාවක් (Shuttle Service) ක්රියාත්මක කිරීමට පොලිසිය කටයුතු කර ඇත. විහාරමහා දේවී උද්යානය, ග්රීන් පාත් සහ වොක්ෂෝල් වීදිය ඇතුළු ස්ථාන කිහිපයක ගාස්තු අය නොකරන රථගාල් වෙන් කර ඇති අතර ප්රදර්ශන කුටිය තුළට ජංගම දුරකථන, ගමන් මලු හෝ විද්යුත් උපකරණ රැගෙන යාම සම්පූර්ණයෙන්ම තහනම් වේ. බැතිමතුන් විශාල පිරිසක් පැමිණෙන බැවින් තම පෞද්ගලික දේපළ පිළිබඳ දැඩි විමසිල්ලෙන් පසුවන ලෙසත්, ආරක්ෂක අංශවල සෝදිසි කිරීම් සඳහා පූර්ණ සහය ලබා දෙන ලෙසත් පොලිසිය වැඩිදුරටත් ඉල්ලා සිටියි.
