විදේශගත ශ්රී ලාංකිකයන් විසින් පසුගිය 2025 වසරේදී මෙරටට එවූ මුදල එක්සත් ජනපද ඩොලර් බිලියන 8.1ක් දක්වා ඉහළ ගොස් ඇති බව ශ්රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහතා ප්රකාශ කළේය.
මෙය මෙරට ඉතිහාසයේ එක් වසරකදී විදේශ සේවා නියුක්තිකයන් විසින් එවූ වැඩිම මුදල ලෙස වාර්තා වේ. 2024 වසරට සාපේක්ෂව මෙය සියයට 22.8ක කැපී පෙනෙන වර්ධනයක් බව පෙන්වා දෙන අධිපතිවරයා, පසුගිය දෙසැම්බර් මාසයේදී පමණක් ඩොලර් මිලියන 879ක මුදලක් ලැබී ඇති බව සඳහන් කළේය. දිට්වා සුළි කුණාටුවෙන් පසුව ලැබුණු සහනාධාර ප්රේෂණ ද මෙම අගයට ඇතුළත් විය හැකි බව ඔහු වැඩිදුරටත් පැවසීය.
