හෝමුස් සමුද්ර සන්ධිය අවහිර කරන බවට ඩොනල්ඩ් ට්රම්ප් කළ තර්ජනය ඉරාන නාවික හමුදාපති ෂහ්රාම් ඉරානි විසින් දැඩි ලෙස ප්රතික්ෂේප කර තිබේ. මෙම ප්රකාශය “අතිශය හාස්යජනක සහ විහිළුවක්” ලෙස හඳුන්වා දුන් හමුදාපතිවරයා, කලාපය තුළ සිදුවන සෑම ඇමරිකානු හමුදා ක්රියාකාරකමක්ම තමන් ඉතා සමීපව නිරීක්ෂණය කරන බව අවධාරණය කළේය. මෙම තත්ත්වය හමුවේ ඉරානය කිසිදු කලබලයකින් තොරව සිය ආරක්ෂක උපක්රම ක්රියාත්මක කරන බව ද වාර්තා වේ.
කෙසේ වෙතත්, ට්රම්ප්ගේ මෙම අවහිර කිරීමේ සැලසුම ඉරානයට වඩා ගෝලීය ආර්ථිකයට දැඩි බලපෑමක් එල්ල කරනු ඇතැයි ආර්ථික විශේෂඥයෝ අනතුරු අඟවති. මෙම තර්ජනය ක්රියාත්මක වීමටත් පෙරම ලෝක වෙළඳපොලේ බොරතෙල් මිල නැවතත් ඉහළ යාමට පටන් ගෙන ඇති අතර, මෙය ජාත්යන්තර වෙළඳාමට දැඩි බාධාවක් වනු ඇතැයි සැලකේ. දේශපාලනික තීරණයක් ලෙස ගනු ලබන මෙවැනි පියවරක් අවසානයේ ගෝලීය බලශක්ති අර්බුදයක් දක්වා වර්ධනය වීමේ අවදානමක් පවතින බව ද පෙන්වා දී තිබේ.
මුලාශ්රය – Press TV, Sky News
