ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා ප්රකාශ කරන්නේ 2026 වසරේදී මෙරට වාහන ආනයනය සඳහා වැයවන මුදල ඇමරිකානු ඩොලර් බිලියන 1.5 ක් දක්වා පහත වැටෙනු ඇති බවයි.
පසුගිය 2025 වර්ෂය තුළ වාහන ආනයනය සඳහා ඇමරිකානු ඩොලර් බිලියන 2 ක වටිනාකමකින් යුත් වාහන ආනයනය කර ඇති බව මහ බැංකු දත්ත පෙන්වා දෙයි.
මහ බැංකුවේ නවතම ප්රතිපත්ති විවරණයන් ඉදිරිපත් කරමින් අධිපතිවරයා වැඩිදුරටත් පෙන්වා දුන්නේ 2025 වසරේදී වාහන ආනයන සීමාවන් ලිහිල් කිරීමත් සමඟ වෙළඳපොළ තුළ පැවති අධික ඉල්ලුම මේ වන විට ක්රමයෙන් ස්ථාවර වෙමින් පවතින බවයි.
මෙලෙස වෙළඳපොළ ඉල්ලුම ස්ථාවර වීම හේතුවෙන් මෙම වසරේදී (2026) වාහන ආනයන වියදම් මෙලෙස අඩු වනු ඇතැයි අපේක්ෂා කෙරේ.
