යුරෝපයේ ප්රවාහනය කරමින් තිබූ ටොන් 12ක් බරැති දැවැන්ත කිට්කැට් (KitKat) චොක්ලට් තොගයක් සොරකම් කර ඇති බව නෙස්ලේ (Nestle) සමාගම නිවේදනය කරයි. මෙම සොරකම හේතුවෙන් එළඹෙන පාස්කු උත්සව සමයේදී වෙළඳපොළ තුළ කිට්කැට් චොක්ලට් හිඟයක් ඇතිවීමේ අවදානමක් පවතින බවට එම සමාගම අනතුරු අඟවයි.
මධ්යම ඉතාලියේ සිට පෝලන්තය බලා ගමන් ගත් මෙම ට්රක් රථය තුළ නවතම වර්ගයේ කිට්කැට් චොක්ලට් ඒකක 413,793ක් තිබී ඇති අතර, බෙදාහැරීමේ මධ්යස්ථාන වෙත යන අතරතුරදී එය අතුරුදහන් වී තිබේ. “අපි සැමවිටම ජනතාවට කිට්කැට් සමඟ විවේකයක් (Break) ගන්නා ලෙස පවසනවා. නමුත් සොරුන් එම පණිවිඩය ඉතා අකුරටම ක්රියාත්මක කරමින් අපේ චොක්ලට් ටොන් 12ක් සමඟ පලා ගොස් ඇති බව පෙනෙනවා,” යැයි එම සමාගමේ ප්රකාශකයෙකු උපහාසාත්මකව පවසා සිටියේය.
මෙම සොරකම් කරන ලද චොක්ලට් තොගය යුරෝපීය වෙළඳපොළේ අනවසර විකුණුම් ජාල හරහා අලෙවි වීමට ඉඩ ඇති බැවින් ඒ පිළිබඳව විමසිලිමත් වන ලෙස බලධාරීන් දැනුම් දෙයි. සෑම චොක්ලට් එකකම ඇති විශේෂිත කේතය (Batch Code) පරීක්ෂා කිරීම මඟින් සොරකම් කරන ලද භාණ්ඩ හඳුනා ගැනීමට හැකි බවත්, මේ පිළිබඳව දේශීය බලධාරීන් සමඟ එක්ව පරීක්ෂණ පවත්වන බවත් නෙස්ලේ සමාගම වැඩිදුරටත් සඳහන් කරයි.
