බලපත්රයක් නොමැතිව නීති විරෝධී ලෙස පෙට්රල් ළඟ තබා ගැනීම සහ අලෙවි කිරීමේ චෝදනාවලට වරදකරුවන් වූ වෙළෙඳසැල් හිමියෙකුට සහ තවත් පුද්ගලයෙකුට අනුරාධපුර අතිරේක මහේස්ත්රාත් ඩී.එල්. සමරසිංහ මහත්මිය විසින් අද (30) අත්හිටවූ සිරදඬුවම් සහ දඩ නියම කරන ලදී. මෙලෙස දඬුවම් නියම වූයේ අනුරාධපුර මාතලේ හන්දිය ප්රදේශයේ වෙළෙඳසැල් හිමිකරුවෙකුට සහ පෙරිමියන්කුලම පදිංචි පුද්ගලයෙකුටයි.
පෙට්රල් බෝතල් 6ක් නීති විරෝධීව සන්තකයේ තබාගැනීමේ වරදට වෙළෙඳසැල් හිමියාට මාස 6ක සිරදඬුවමක් නියම කර එය වසර 5කට අත්හිටුවීමට නියෝග කළ අතර රුපියල් 2,500ක දඩයක් ද නියම කෙරිණි. අනෙක් සැකකරු පෙට්රල් බෝතලයක් විකිණීම සහ තවත් බෝතල් 6ක් සන්තකයේ තබාගැනීම යන වැරදිවලට වරදකරු වූ අතර, ඔහුට ද මාස 6ක සිරදඬුවමක් නියම කර එය වසර 5කට අත්හිටුවා රුපියල් 5,000ක දඩයක් ගෙවන ලෙස නියෝග කළාය.
අනුරාධපුර මූලස්ථාන පොලිසියේ දූෂණ මර්දන සහ අපරාධ විමර්ශන අංශයේ නිලධාරීන් කණ්ඩායමක් විසින් මෙම වැටලීම සිදු කර සැකකරුවන් අධිකරණයට ඉදිරිපත් කර තිබුණි.
