ග්රාමීය සංවර්ධනය සහ සමාජ ආරක්ෂණය තහවුරු කිරීම සඳහා රජය ක්රියාත්මක කරන “ප්රජාශක්ති” ජාතික වැඩසටහනේ වත්මන් ප්රගතිය සමාලෝචනය කිරීමේ විශේෂ සාකච්ඡාවක් අද (30) පස්වරුවේ ජනාධිපති ලේකම් කාර්යාලයේදී පැවැත්විණි. ග්රාමීය සංවර්ධන, සමාජ ආරක්ෂණ සහ ප්රජා සවිබල ගැන්වීමේ අමාත්ය උපාලි පන්නිලගේ මහතාගේ ප්රධානත්වයෙන් පැවැති මෙම හමුවේදී 2026 වසරේ මෙතෙක් ලබා ඇති ප්රගතිය මෙන්ම 2027 වසර සඳහා ක්රියාත්මක කළ යුතු නව ව්යාපෘති පිළිබඳව ද අවධානය යොමු විය.
විශේෂයෙන්ම එළැඹෙන වසරේ අයවැය යෝජනා සකස් කිරීම සම්බන්ධයෙන් මෙහිදී මූලික සාකච්ඡා පැවැත්වුණු අතර, ඒ පිළිබඳ අවසන් තීන්දු තීරණ ගැනීම සඳහා ප්රජාශක්ති මෙහෙයුම් කමිටුව ලබන අප්රේල් 6 වනදා රැස්වීමට නියමිතය. මෙම අවස්ථාවට අමාත්යාංශ ලේකම් සම්පත් මන්ත්රීනායක මහතා ඇතුළු ජ්යෙෂ්ඨ නිලධාරීන් පිරිසක් එක්ව සිටියහ.
