ඇමරිකානු ජනාධිපති ඩොනල්ඩ් ට්රම්ප් ධවල මන්දිරයේ සිට විශේෂ ප්රකාශයක් කරමින් කියා සිටියේ ඉරානය සමඟ පවතින යුද්ධයේ මූලික අරමුණු මේ වන විට සම්පූර්ණ වීමට ආසන්න බවයි. මිනිත්තු 20ක් පුරා පැවති මෙම දේශනයේදී ඔහු අවධාරණය කළේ හෝමූස් සමුද්ර සන්ධියේ ආරක්ෂාව තහවුරු කිරීමට ඇමරිකාවේ මිත්ර රටවල් ඉදිරිපත් විය යුතු බවයි. “ඇමරිකාවට එය තවදුරටත් අවශ්ය නැහැ, සෙසු රටවල් ඒ සඳහා ධෛර්යය උපදවා ගත යුතුයි” යනුවෙන් ඔහු පවසා තිබේ.
ට්රම්ප් ජනාධිපතිවරයාගේ මෙම ප්රකාශයත් සමඟ ලෝක වෙළඳපොළේ බොරතෙල් මිල බැරලයක් ඩොලර් 105 දක්වා ඉහළ ගොස් ඇත. මේ අතර, ඉරානය විසින් සටන් විරාමයක් ඉල්ලා ඇති බවට ට්රම්ප් කළ ප්රකාශය ඉරාන විදේශ අමාත්යාංශය තරයේ ප්රතික්ෂේප කර තිබේ. මැදපෙරදිග යුද්ධයට සහාය නොදක්වන්නේ නම් නේටෝ (NATO) සංවිධානයෙන් ඉවත් වීමට පවා තමන් සලකා බලන බව ජනාධිපතිවරයා මෙහිදී යළිත් අවධාරණය කළ අතර, එය ජාත්යන්තර දේශපාලනය තුළ දැඩි ආන්දෝලනයක් ඇති කර තිබේ.
යුද්ධය අවසන් අදියරට පැමිණ ඇති බවට ට්රම්ප් ඉඟි කළද, හෝමූස් සමුද්ර සන්ධිය වසා තැබීම හේතුවෙන් ගෝලීය බලශක්ති අර්බුදය තවදුරටත් උග්ර වෙමින් පවතී. ඉරාන රජයේ මාධ්ය පවසන්නේ ඇමරිකානු ජනාධිපතිවරයා සිදුකරන ප්රකාශ පදනම් විරහිත බවයි. ලෝක බලවතුන් අතර පවතින මෙම මත ගැටුම් ඉදිරි දින කිහිපය තුළ කලාපීය ආරක්ෂාවට කෙසේ බලපානු ඇතිද යන්න පිළිබඳව ලෝකයම අවධානයෙන් පසුවේ.
