ලොව දැවැන්තම මල්ලවපොර සැමරුම වන ‘රෙස්ල්මේනියා 42’ මෙවරත් අඛණ්ඩව දෙවන වරටත් ඇමෙරිකාවේ ලාස් වේගාස් (Las Vegas) නුවරදී අප්රේල් 18 සහ 19 යන දෙදින පුරා අතිඋත්කර්ෂවත් අයුරින් පැවැත්වීමට නියමිතය. මෙවර තරගාවලිය සඳහා රෝමන් රේන්ස්, සී.එම්. පන්ක්, කෝඩි රෝඩ්ස් සහ බ්රොක් ලෙස්නර් වැනි සුපිරි තරු රැසක් එක්වන බව නිල වශයෙන් තහවුරු වී තිබේ.
ලෝක බර පන්තියේ ශූරතාව (World Heavyweight Championship) සඳහා සී.එම්. පන්ක් (CM Punk) සහ රෝමන් රේන්ස් (Roman Reigns) අතර දරුණු ගැටුමක් නිර්මාණය වී ඇත. පසුගිය වසරේ රෙස්ල්මේනියා 41 හිදී ද මොවුන් මුහුණ දුන් අතර, මෙවර රෝමන් රේන්ස් සිය පියාගේ නම පවා ඈඳා ගනිමින් පන්ක් සමඟ වාග් සංග්රාමයක නිරත වීම නිසා මෙම තරගය කෙරෙහි දැඩි උනන්දුවක් මතුව තිබේ. එමෙන්ම කෝඩි රෝඩ්ස් (Cody Rhodes) සහ රෑන්ඩි ඕර්ටන් (Randy Orton) අතර පැවැත්වෙන අසහාය WWE ශූරතාව (Undisputed WWE Championship) සඳහා වන තරගය ද ප්රධාන තැනක් ගනී.
මීට අමතරව, කාන්තා අංශයේ ප්රධාන තරග ලෙස ජේඩ් කාර්ගිල් (Jade Cargill) සහ රියා රිප්ලි (Rhea Ripley) අතර තරගයත්, ස්ටෙෆනි වැකුවර් (Stephanie Vaquer) සහ ලිව් මෝගන් (Liv Morgan) අතර කාන්තා ලෝක ශූරතාව සඳහා වන තරගයත් පැවැත්වේ. විශේෂයෙන්ම ඔස්ට්රියානු ක්රීඩක ගන්තර් (Gunther) සහ සෙත් රෝලින්ස් (Seth Rollins) අතර පැවැත්වීමට නියමිත නවතම තරගය පිළිබඳව ද ප්රේක්ෂකයෝ දැඩි බලාපොරොත්තුවෙන් පසුවෙති. බ්රොක් ලෙස්නර් විසින් ඉදිරිපත් කරන ලද විවෘත අභියෝගය ඕබා ෆෙමී (Oba Femi) විසින් භාර ගැනීම ද මෙවර තරගාවලියේ තවත් සුවිශේෂී සිදුවීමකි.
