ඩේවිඩ් පීරිස් සමූහ ව්යාපාරයේ සිව් රෝද රථ අලෙවි අංශය වන ඩේවිඩ් පීරිස් ඔටෝමොබයිල්ස් පුද්ගලික සමාගම (DPA), තමන් මෙරට වෙළෙඳපොළට හඳුන්වා දුන් ‘BAIC X55’ සුඛෝපභෝගී රථ 1,000 සීමාව පසු කිරීම නිල වශයෙන් සමරනු ලැබීය. ශ්රී ලංකාවේ BAIC රථවාහන සඳහා වන එකම බලයලත් බෙදාහරින්නා වන්නේද ඔවුන්ය.
නූතන පෙනුම, උසස් තාක්ෂණය සහ ඉහළ ධාවන කාර්ය සාධනය හේතුවෙන් BAIC X55 රථය මෙරට රියදුරන් අතර ඉතා කෙටි කලකින් ඉහළ ජනප්රියත්වයක් දිනා ගැනීමට සමත් විය. තනි රථවාහන මාදිලියක් සඳහා ඒකක 1,000ක් අලෙවි කිරීමට හැකි වීම මෙරට පාරිභෝගිකයන් එම රථය කෙරෙහි තැබූ විශ්වාසය මනාව පිළිඹිබු කරයි.
ඩේවිඩ් පීරිස් සමාගමේ අධ්යක්ෂ මහේෂ් ගුණතිලක මහතා ප්රකාශ කළේ හම්බන්තොට රන්න ප්රදේශයේ පිහිටි සිය නිෂ්පාදන පරිශ්රය හරහා මෙරට තුළ සිදු කරන එකලස් කිරීමේ (Assembly) කටයුතු තවදුරටත් පුළුල් කර ඇති බවයි. මෙමඟින් දේශීය ආර්ථිකයට දායක වෙමින් රැකියා අවස්ථා රාශියක් නිර්මාණය කිරීමටද හැකි වී තිබේ. ඉදිරියේදී ජාත්යන්තර ප්රමිතීන්ට අනුකූලව මෙරට පාරිභෝගිකයින්ට ඉහළම තත්ත්වයේ රථවාහන සහ අලෙවියෙන් පසු විශිෂ්ට සේවාවක් සැපයීමට සමාගම කැපවී සිටියි.
BAIC ප්රධාන ප්රදර්ශනාගාරය බත්තරමුල්ල, පන්නිපිටිය පාරේ පිහිටා ඇති අතර කුරුණෑගල, මාතර, රත්නපුර සහ මහනුවර යන ප්රදේශවලද ශාඛා පිහිටුවා ඇත. මීට අමතරව කොළඹ හයිඩ් පාර්ක් කෝනර්, මඩපාත සහ මාතර ප්රදේශවල සේවා මධ්යස්ථාන මෙන්ම දිවයින පුරා විහිදුනු සේවා නියෝජිත ජාලයක්ද මේ සඳහා ක්රියාත්මක වේ.
