පවතින ඉන්ධන මිල සහ විදුලි ගාස්තු ඉහළ යාම හමුවේ මල්ශාලා මගින් අය කරන ගාස්තු ද සැලකිය යුතු ලෙස ඉහළ දමා තිබේ. මල්ශාලා හිමිකරුවන් පවසන්නේ පවත්වාගෙන යාමේ පිරිවැය ඉහළ යාම හේතුවෙන් මිනීපෙට්ටියක මිල රුපියල් 3000 කින් පමණ ඉහළ දැමීමට පියවර ගෙන ඇති බවයි.
මීට අමතරව, ඉන්ධන මිල ඉහළ යාම නිසා අවමංගල්ය ප්රවාහන ගාස්තුවල ද සංශෝධනයක් සිදු කර ඇත. මීට පෙර පළමු කිලෝමීටර 12 නොමිලේ ප්රවාහනය ලබා දුන්න ද, පවතින තත්ත්වය හමුවේ එම සහනය සීමා කිරීමට සිදු වන බව ඔවුහු පෙන්වා දෙති.
අවමංගල්ය ශාලාවල සිදු කෙරෙන සේවා කටයුතු සහ අනෙකුත් අදාළ ගාස්තු ද ඉහළ දමා ඇති බැවින්, සාමාන්ය ජනතාව සිය සමීපතමයෙකුගේ අවසන් කටයුතු සිදු කිරීමේදී ද දැඩි මූල්ය දුෂ්කරතාවන්ට මුහුණ දෙන බව වාර්තා වේ. පවතින උද්ධමනය මළවුන් වෙනුවෙන් සිදු කරන ගෞරවනීය සමුගැනීමට පවා මෙලෙස බාධා පමුණුවා තිබේ.
