තායිලන්තයේ බැංකොක් නුවර පැවැත්වෙන ආසියානු කුසලාන සුදුසුකම් ලැබීමේ හොකී තරඟාවලියේදී වසර 20ක වාර්තාවක් අලුත් කරමින් බංගලාදේශය පරාජය කිරීමට ශ්රී ලංකා ජාතික හොකී කණ්ඩායම සමත්ව තිබේ. අතිශය තියුණු මුහුණුවරක් ගත් මෙම තරඟයෙන් බංගලාදේශයට එරෙහිව ගෝල 3-2ක ජයක් ලබාගත් ශ්රී ලංකා කණ්ඩායම, තරඟාවලියේ අවසන් පූර්ව වටය සඳහා සිය ස්ථානය වෙන් කරවා ගැනීමට සමත්වීම විශේෂත්වයකි. මීට පෙර පැවැති උස්බෙකිස්තානය සමඟ තරඟයෙන් ද ගෝල 3-1ක විශිෂ්ට ජයක් ලැබීමට ශ්රී ලංකා ක්රීඩකයෝ සමත්වූහ.
මෙවර ශ්රී ලංකා සංචිතය සඳහා ශ්රී ලංකා පොලිස් හොකී ඉතිහාසයේ ප්රථම වතාවට පොලිස් ක්රීඩකයන් පස්දෙනෙකු තේරී පත්වී ඇති අතර, ඔවුන්ගේ දක්ෂතා මෙම ජයග්රහණ සඳහා ප්රබල පිටුවහලක් වී ඇත. ශ්රී ලංකා කණ්ඩායම සිය මූලික වටයේ සහභාගී වන තීරණාත්මක අවසන් තරඟය එළඹෙන අප්රේල් 06 වනදා චීන-තායිපේ (Chinese Taipei) කණ්ඩායමට එරෙහිව පැවැත්වීමට නියමිතය. මෙම ජයග්රහණයත් සමඟ ශ්රී ලංකා හොකී ක්රීඩාවේ නව පිබිදීමක් ඇතිවනු ඇතැයි ක්රීඩා විචාරකයෝ විශ්වාසය පළ කරති.
මුලාශ්රය – Sri Lanka Hockey Federation / Sports Update
