ඉරාන විප්ලවීය හමුදාවේ හිටපු ප්රබල නායක කාසෙම් සොලෙයිමානිගේ ලේලිය සහ ඇයගේ දියණිය අමෙරිකානු ආගමන විගමන බලධාරීන් විසින් අත්අඩංගුවට ගෙන ඇති අතර ඔවුන් දෙදෙනාම මෙරටින් පිටුවහල් කිරීමට නියමිත බව අමෙරිකානු රාජ්ය දෙපාර්තමේන්තුව අද (04) නිවේදනය කළේය ලොස් ඇන්ජලීස් නුවර පදිංචිව සිටි මෙම කාන්තාව අමෙරිකාවේ ජීවත්වන අතරතුර ඉරාන පාලන තන්ත්රයේ ප්රචාරක කටයුතු සිදු කිරීම මැදපෙරදිග අමෙරිකානු සොල්දාදුවන්ට එල්ල වූ ප්රහාර සැමරීම සහ අමෙරිකාව දැඩි ලෙස විවේචනය කිරීම වැනි චෝදනා රැසකට ලක්ව සිටින බව බලධාරීහු පෙන්වා දෙති
අමෙරිකානු රාජ්ය ලේකම් මාර්කෝ රූබියෝ (Marco Rubio) මහතා සඳහන් කළේ අදාළ කාන්තාව සතුව තිබූ අමෙරිකානු ග්රීන් කාඩ් (Green Card) බලපත්රය ද මේ වන විට අවලංගු කර ඇති බවයි අමෙරිකාවට විරුද්ධ ත්රස්තවාදී පාලන තන්ත්රයන්ට සහාය දක්වන විදේශිකයන්ට සිය රට තුළ රැඳී සිටීමට ඉඩ ලබා නොදෙන බව හෙතෙම අවධාරණය කළේය ඉරාන විප්ලවීය හමුදාව අමෙරිකාව විසින් ත්රස්තවාදී සංවිධානයක් ලෙස නම් කර ඇති පසුබිමක සොලෙයිමානිගේ පවුලේ සාමාජිකයෙකුට එරෙහිව ගත් මෙම දැඩි තීරණය ජාත්යන්තර දේශපාලන කරළියේ දැඩි කතාබහට ලක්ව තිබේ
පසුගිය 2020 වසරේදී අමෙරිකානු ඩ්රෝන ප්රහාරයකින් කාසෙම් සොලෙයිමානි මිය යාමත් සමඟ දෙරට අතර සබඳතා බරපතල ලෙස පලුදු වූ අතර වත්මන් ට්රම්ප් පාලනය යටතේ ඉරාන හිතවාදීන්ට එරෙහිව මෙවැනි දැඩි ක්රියාමාර්ග ගැනීම තවදුරටත් පුළුල් කර තිබේ පිටුවහල් කිරීමේ ක්රියාවලිය කඩිනමින් සිදු කිරීමට නියමිත අතර මෙම සිදුවීමත් සමඟ අමෙරිකාව තුළ වසන ඉරාන ජාතිකයින්ගේ ආරක්ෂාව සහ වීසා බලපත්ර පිළිබඳව ද අලුත් විවාදයක් මතුව ඇත ඉරාන රජය මෙතෙක් මෙම සිදුවීම සම්බන්ධයෙන් නිල ප්රකාශයක් නිකුත් කර නොමැති වුවද ඉදිරි දිනවලදී මේ හරහා දෙරට අතර රාජ්යතාන්ත්රික අර්බුදය තවදුරටත් උග්ර විය හැකිය
