ඊශ්රායලය සහ ඉරානය අතර පවතින දරුණු යුද ගැටුම් ආරම්භ වූ දින සිට මේ දක්වා තුවාල ලැබූ ඊශ්රායල වැසියන් 6771 දෙනෙකු රෝහල්ගත කර ඇති බව ඊශ්රායල සෞඛ්ය අමාත්යාංශය නිල වශයෙන් නිවේදනය කර තිබේ අල්ජසීරා පුවත් සේවය වාර්තා කරන පරිදි මෙම පිරිස අතරින් 134 දෙනෙකු තවමත් රෝහල්ගතව ප්රතිකාර ලබමින් සිටින අතර ඉන් දෙදෙනෙකුගේ තත්ත්වය අතිශය බරපතල බව වෛද්ය වාර්තා පෙන්වා දෙයි ඉරානය සහ හිස්බුල්ලා සංවිධානය එල්ල කරන මිසයිල ප්රහාර හමුවේ සිවිල් වැසියන් විශාල පිරිසක් මෙලෙස අනතුරට පත්ව ඇත
ප්රහාරවලින් තුවාල ලැබූවන්ගෙන් බහුතරයක් මිසයිල කැබලි වැදීමෙන් සහ ගොඩනැගිලි කඩා වැටීමෙන් අනතුරට පත්ව ඇති අතර තවත් පිරිසක් දැඩි කම්පනයට පත්ව ප්රතිකාර ලබා තිබේ ඊශ්රායල රජය පවසන්නේ එරට සෞඛ්ය පද්ධතිය මේ වන විට යුදමය හදිසි තත්ත්වයක් යටතේ ක්රියාත්මක වන බවයි විශේෂයෙන්ම උතුරු සහ මධ්යම ඊශ්රායලයේ රෝහල් වෙත තුවාලකරුවන් වැඩි වශයෙන් ඇතුළත් කර ඇති අතර ඔවුන්ට අවශ්ය උපරිම වෛද්ය පහසුකම් සැලසීමට පියවර ගෙන ඇත
මිසයිල ප්රහාර හමුවේ ආරක්ෂිත බංකර් වෙත ගමන් කිරීමේදී සිදුවූ අනතුරු ද මෙම සංඛ්යාලේඛනවලට ඇතුළත් වන බව සෞඛ්ය බලධාරීහු පවසති පවතින බිහිසුණු වාතාවරණය හමුවේ තුවාලකරුවන් සංඛ්යාව තවදුරටත් ඉහළ යා හැකි බවට අනාවැකි පළ වන අතර සිවිල් වැසියන්ගේ ආරක්ෂාව වෙනුවෙන් පනවා ඇති සීමා දැඩිව අනුගමනය කරන ලෙස රජය ඉල්ලා සිටියි ජාත්යන්තර මානුෂීය සංවිධාන පෙන්වා දෙන්නේ දෙපාර්ශවයම සිවිල් වැසියන් ඉලක්ක කර ගන්නා ප්රහාර වහාම නතර කළ යුතු බවයි
