ඉරාන ගුවන් ආරක්ෂක පද්ධති දුර්වල කර ඇති බවට ජනාධිපති ඩොනල්ඩ් ට්රම්ප් සහ ආරක්ෂක ලේකම් පීට් හෙග්සෙත් මීට පෙර කළ ප්රකාශ මධ්යයේ ඇමරිකානු එෆ් 15 (F-15) ප්රහාරක යානයක් බිම හෙලීම වොෂින්ටනයට එල්ල වූ දැඩි බලපෑමක් වී තිබේ යානයේ සිටි අවි පද්ධති නිලධාරියා තවමත් අතුරුදන්ව සිටින අතර ඔහු ඉරාන හමුදා භාරයට පත්වුවහොත් එය ඇමරිකාවට විශාල දේශපාලනික ලැජ්ජාවක් මෙන්ම ප්රබල ප්රචාරක පරාජයක් වනු ඇති බව විදෙස් විචාරකයෝ පෙන්වා දෙති ඉරාන විප්ලවීය හමුදාව (IRGC) විසින් අතුරුදන් වූ නියමුවා පණපිටින් අල්ලා දෙන අයෙකුට ඩොලර් 66000 ක ත්යාගයක් ප්රකාශයට පත් කරමින් දැඩි සෝදිසි මෙහෙයුම් දියත් කර ඇත
මෙම සිදුවීම 1979 වසරේ ඉරාන ප්රාණ ඇපකරු අර්බුදය මෙන්ම 2014 වසරේ බෝ බර්ග්ඩාල් හුවමාරුව වැනි අමිහිරි මතකයන් යළි අවදි කර ඇති අතර ඇමරිකානු කොංග්රස් මණ්ඩලය තුළ ද මේ සම්බන්ධයෙන් විවිධ මතභේද හටගෙන තිබේ ඇතැම් නියෝජිතයන් පවසන්නේ ඇමරිකානු සෙබළුන් වහාම මෙරටට ගෙන්වා ගත යුතු බවයි තවත් පිරිසක් අතුරුදන් වූ නියමුවාට ජාත්යන්තර නීතියට අනුව සැලකිය යුතු බව ඉරානයට අවධාරණය කරති ජනාධිපති ට්රම්ප් ප්රසිද්ධියේ මෙම සිදුවීම සුළුවට තැකුව ද රහසිගතව සිය ආරක්ෂක මණ්ඩලය සමඟ මේ පිළිබඳව දැඩි අවධානයෙන් පසුවන බව වාර්තා වේ
ජනාධිපති ට්රම්ප් විසින් ලබන අප්රේල් 6 වැනිදා සඳුදා වන විට හෝමුස් සමුද්ර සන්ධිය විවෘත කිරීමට හෝ එකඟතාවයකට පැමිණීමට ඉරානයට අවසන් නිවේදනයක් ලබා දී තිබේ එසේ නොවුවහොත් ඉරාන බලශක්ති මධ්යස්ථාන වෙත දැඩි ප්රහාර එල්ල කරන බවට ඔහු අනතුරු අඟවන අතර ඉරානය පවසන්නේ දෙරට අතර කිසිදු සාකච්ඡාවක් සිදු නොවන බවයි මැදපෙරදිග කලාපයේ ඇමරිකානු හමුදා බලය තවදුරටත් වර්ධනය වෙමින් පවතින අතර අතුරුදන් වූ නියමුවා කවුරුන් විසින් සොයා ගනු ලබන්නේ ද යන්න මත ඉදිරි යුදමය තත්ත්වය තීරණය වනු ඇතැයි අපේක්ෂා කෙරේ
