හෝමුස් සමුද්ර සන්ධිය (Strait of Hormuz) යළි විවෘත නොකළහොත් ඉරානයේ බලශක්ති මධ්යස්ථාන වෙත දැඩි ප්රහාර එල්ල කරන බවට අමෙරිකානු ජනාධිපති ඩොනල්ඩ් ට්රම්ප් විසින් මීට පෙර කර තිබූ අනතුරු ඇඟවීම යළිත් මතක් කර දෙමින් ඉරානයට දැඩි බලපෑමක් එල්ල කර තිබෙනවා. ඒ අනුව සඳුදා දිනයෙන් අවසන් වීමට නියමිත එම කාලසීමාව පිළිබඳව ඔහු සිය සමාජ මාධ්ය ජාලය වන ‘Truth Social’ ඔස්සේ සටහනක් තබමින් පවසා ඇත්තේ, තීරණයක් ගැනීමට හෝ හෝමුස් සමුද්ර සන්ධිය විවෘත කිරීමට තමන් ඉරානයට ලබා දුන් දින 10 ක කාලය වේගයෙන් ගෙවී යමින් පවතින බවයි.
තවදුරටත් අදහස් දක්වමින් ඔහු සඳහන් කර ඇත්තේ, “ඔවුන් මතට දැඩි ප්රහාර වර්ෂාවක් එල්ල වීමට පෙර තවත් ඉතිරිව ඇත්තේ පැය 48 ක් පමණක්” බවයි. යුද්ධය අවසන් කිරීම සඳහා රාජ්යතාන්ත්රික මට්ටමේ එකඟතාවක් ඇති කර ගැනීමට ට්රම්ප් උත්සාහ කරන අතරතුරදීම, මෙලෙස දිගින් දිගටම ඉරානයේ බලශක්ති මධ්යස්ථාන වෙත බෝම්බ හෙළන බවට තර්ජනාත්මක ප්රකාශ නිකුත් කිරීම ජාත්යන්තර අවධානයට ලක්ව තිබෙනවා.
