ස්පාඤ්ඤ ලා ලිගා (La Liga) පාපන්දු තරගාවලියේ ලීග් ශූරතාව සඳහා පැවති තීරණාත්මක තරගයකදී මල්ලෝර්කා (Mallorca) කණ්ඩායම හමුවේ රියල් මැඩ්රිඩ් (Real Madrid) කණ්ඩායම අනපේක්ෂිත පරාජයකට මුහුණ දුන්නා. තරගයේ අතිරේක කාලයේදී වේදත් මුරිකි (Vedat Muriqi) වාර්තා කළ අලංකාර ගෝලයත් සමඟ මල්ලෝර්කා කණ්ඩායම 2-1 ක් ලෙස රියල් මැඩ්රිඩ් කණ්ඩායම පරාජය කිරීමට සමත් වුණා.
මෙම පරාජයත් සමඟින් ප්රසාද ලකුණු සටහනේ පෙරමුණේ පසුවන බාසිලෝනා (Barcelona) කණ්ඩායමට වඩා ලකුණු 7 ක් පසුපසින් සිටීමට අල්වාරෝ අර්බෙලෝවාගේ (Alvaro Arbeloa) පුහුණුකාරීත්වයෙන් යුත් රියල් මැඩ්රිඩ් කණ්ඩායමට සිදු වී තිබෙනවා. මල්ලෝර්කා වෙනුවෙන් මනු මොර්ලානස් පළමු ගෝලය වාර්තා කළ අතර, තරගයේ 88 වැනි මිනිත්තුවේදී ට්රෙන්ට් ඇලෙක්සැන්ඩර් ආනල්ඩ් ලබා දුන් කෝනර් පහරක් සාර්ථකව හිසෙන් වැදී ගෝලයක් බවට පත් කරමින් එඩර් මිලිටාඕ රියල් මැඩ්රිඩ් කණ්ඩායමට බලාපොරොත්තු ගෙන ආවත්, මුරිකිගේ ගෝලය නිසා එම බලාපොරොත්තු බිඳ වැටුණා. කිලියන් එම්බාප්පේ ප්රමුඛ ඉදිරි පෙළ ක්රීඩකයන්ට මල්ලෝර්කා දැල් රකින්නා වූ ලියෝ රෝමන්ගෙන් දැඩි බාධා එල්ල වුණා.
