ලන්ඩනයේ තේම්ස් නදිය ආශ්රිතව පැවති සුප්රකට ඔරු පැදීමේ තරගයෙන් (The Boat Race) වසර 10 කට පසුව පළමු වතාවට ජයග්රහණය කිරීමට ඔක්ස්ෆර්ඩ් (Oxford) විශ්වවිද්යාලයේ කාන්තා කණ්ඩායම සමත් වී තිබෙනවා. ඔවුන් අවසන් වරට මෙම තරගයකින් ජයගෙන තිබුණේ 2016 වසරේදීය. කෙසේ වෙතත් පිරිමි අංශයේ තරගයෙන් අඛණ්ඩව සිව්වන වතාවටත් ජයග්රහණය තහවුරු කර ගැනීමට කේම්බ්රිජ් (Cambridge) විශ්වවිද්යාලය සමත් වුණා.
තේම්ස් නදියේ පට්නි (Putney) සිට චිසික් (Chiswick) දක්වා සැතපුම් 4.3 ක දුරක් පුරා පැවති මෙම 80 වැනි කාන්තා ඔරු පැදීමේ තරගය දැඩි සුළං සහිත අසීරු කාලගුණික තත්ත්වයන් මධ්යයේ වුවද ඔක්ස්ෆර්ඩ් ක්රීඩිකාවන් ඉතා දක්ෂ ලෙස ආරම්භ කළා. කේම්බ්රිජ් කණ්ඩායමට ඔවුන්ව අභිබවා යාමට නොහැකි වූ අතර අවසානයේදී තත්පර 9.4 ක පරතරයකින් තරගය ජය ගනිමින් සිය 31 වැනි සමස්ත ජයග්රහණය සැමරීමට ඔක්ස්ෆර්ඩ් “ඩාර්ක් බ්ලූස්” (Dark Blues) කණ්ඩායම සමත් වුණා.
මෙම ජයග්රහණයෙන් පසු අදහස් දැක්වූ ඔලිම්පික් ලෝකඩ පදක්කම් ලාභී මෙන්ම ඔක්ස්ෆර්ඩ් කණ්ඩායමේ නායිකාව වූ හයිඩි ලෝන්ග් (Heidi Long) පවසා සිටියේ තමන් මේ පිළිබඳව අතිශයින්ම සතුටට සහ ආඩම්බරයට පත්වන බවයි.
