ලොව වැඩිම චිත්රපට සංඛ්යාවක් නිෂ්පාදනය කරන ඉන්දියානු සිනමා කර්මාන්තය (Bollywood ඇතුළුව), හොලිවුඩය පවා අභිබවා යමින් කෘතිම බුද්ධිය (AI) ඉතා වේගයෙන් වැළඳගනිමින් සිටින බව රොයිටර් පුවත් සේවය වාර්තා කරයි. මින් පෙර කැමරා සහ ශබ්ද උපකරණවලින් පිරී තිබූ චිත්රාගාර වෙනුවට දැන් බොහෝ තැන්වල පරිගණක කේතනය (Coding) හරහා චිත්රපට නිර්මාණය කිරීමේ ප්රවණතාවක් මතුව තිබේ.
විශේෂයෙන්ම ‘රාමායණය’ සහ ‘මහා භාරතය’ වැනි හින්දු පුරාවෘත්ත පදනම් කරගත් දැවැන්ත නිර්මාණ සඳහා AI තාක්ෂණය භාවිතා කිරීම හරහා නිෂ්පාදන පිරිවැය සාමාන්ය පිරිවැයෙන් 1/5ක් දක්වා (80%ක අඩුවීමක්) අඩු කර ගැනීමටත්, ගතවන කාලය හතරෙන් එකක් දක්වා අඩු කර ගැනීමටත් හැකි වී ඇති බව ක්ෂේත්රයේ ප්රවීණයෝ පවසති.
මීට අමතරව, පැරණි චිත්රපටවල අවසානය AI මගින් වෙනස් කර නැවත ප්රදර්ශනය කිරීම සහ විවිධ භාෂාවලින් හඬ කැවීම් (AI Dubbing) සඳහා මෙම තාක්ෂණය බහුලව යොදා ගැනේ. 2019 වසරේදී බිලියන 1.03ක් වූ ඉන්දියානු සිනමා ප්රේක්ෂක සංඛ්යාව 2025 වන විට මිලියන 832 දක්වා පහත වැටී ඇති පසුබිමක, නිෂ්පාදන පිරිවැය අවම කර ගනිමින් ලාභය වැඩිකර ගැනීමට ඉන්දියානු චිත්රාගාර මෙම පියවර ගෙන තිබේ. ගූගල්, මයික්රොසොෆ්ට් සහ එන්වීඩියා (Nvidia) වැනි ප්රමුඛ තාක්ෂණික සමාගම් ද මේ සඳහා ඉන්දියානු සිනමාකරුවන් සමඟ අත්වැල් බැඳගෙන සිටීම විශේෂත්වයකි.
