දිවයිනට බලපා ඇති දැඩි වියළි කාලගුණික තත්ත්වය හේතුවෙන් කොළඹ ඇතුළු තදාසන්න ප්රදේශ රැසකට පානීය ජලය සපයන කලටුවාව ජලාශයේ ජල මට්ටම සීඝ්රයෙන් පහත බැස තිබේ. මේ සමඟ වසර 78කට පමණ පෙර ජලාශයට යටවී තිබූ පැරණි කලටුවාව ගම්මානයේ නටඹුන් රැසක් මේ වන විට ජලයෙන් ඉහළට මතු වී ඇත.
වර්ෂ 1948 දී කලටුවාව ඔය හරස් කර මෙම ජලාශය ඉදිකිරීමේදී එවකට පැවති ගම්මානය සම්පූර්ණයෙන්ම ජලයට යට විය. එදා එරත්න හරහා ගමට පිවිසීමට තිබූ ප්රධාන මාර්ගය, විහාරස්ථානය, බේකරිය, නිවාසවල ශේෂ වූ බිත්ති සහ ජලාශය ඉදිකරන සමයේ වෙඩි බෙහෙත් ගබඩා කිරීමට යොදාගත් කුඩා ගොඩනැගිලිවල කොටස් මේ වන විට පැහැදිලිව දැකගත හැකිය.
පවතින උණුසුම් කාලගුණයත් සමඟ ජලාශයේ ජල ධාරිතාව අවම මට්ටමකට පැමිණ ඇති අතර, මෙම ඓතිහාසික නටඹුන් දැකබලා ගැනීම සඳහා ප්රදේශවාසීන් සහ සංචාරකයින් විශාල පිරිසක් පැමිණෙමින් සිටිති. කෙසේ වෙතත්, ජල මට්ටම පහත වැටීම හේතුවෙන් ඉදිරියේදී ජල සැපයුමට බාධා එල්ල විය හැකි බැවින් ජලය අරපිරිමැස්මෙන් භාවිත කරන ලෙස බලධාරීන් මහජනතාවගෙන් ඉල්ලා සිටියි.
