යුක්රේනයේ ඔඩේසා (Odesa) වරාය නගරය ඉලක්ක කර ගනිමින් රුසියාව අද (06) අලුයම එල්ල කළ ප්රබල ඩ්රෝන ප්රහාරයකින් දරුවෙකු ඇතුළු පුද්ගලයින් තිදෙනෙකු ජීවිතක්ෂයට පත්ව ඇති බව ප්රාදේශීය ආණ්ඩුකාර ඔලෙග් කිපර් මහතා තහවුරු කරයි. මෙම ප්රහාරයෙන් තවත් පුද්ගලයින් 10 දෙනෙකු තුවාල ලබා ඇති අතර නේවාසික ගොඩනැගිලි සහ පරිපාලන මධ්යස්ථාන රැසකට දැඩි හානි සිදුව තිබේ.
යුක්රේනයේ ප්රධානතම ධාන්ය අපනයන මධ්යස්ථානයක් සහ වැදගත් මූලෝපායික නගරයක් වන ඔඩේසා වෙත රුසියාව එල්ල කරන ප්රහාර මෑතකදී තීව්ර කර ඇත. ප්රහාරයෙන් පසු සහන සේවකයින් දැඩි පරිශ්රමයක් යොදා සුන්බුන් අතර සිරවී සිටින පිරිස් බේරාගැනීමේ මෙහෙයුම්වල නිරත වන බව විදෙස් මාධ්ය වාර්තා කරයි.
වසර පහක කාලයක් තිස්සේ ඇදී යන මෙම යුද ගැටුම් හමුවේ රුසියාව විසින් යුක්රේනයේ යටිතල පහසුකම් ඉලක්ක කර ගනිමින් අඛණ්ඩව ප්රහාර එල්ල කිරීම ජාත්යන්තරයේ දැඩි දෝෂදර්ශනයට ලක්ව තිබේ.
