එක්සත් අරාබි එමීර් රාජ්යය පදනම් කරගත් Drive EV ආයතනය, විද්යුත් වාහනයක් මිලදී ගැනීමේදී පාරිභෝගිකයින් මුහුණ දෙන සංකීර්ණ ගැටලුවලට විසඳුම් ලබා දීම සඳහා කෘත්රිම බුද්ධිය (AI) සහිත නවතම පද්ධතියක් නිල වශයෙන් හඳුන්වා දී තිබේ. මෙය හුදෙක් වාහන අලෙවි කරන ස්ථානයක් (Marketplace) නොව, පාරිභෝගිකයාගේ ජීවන රටාව සහ අවශ්යතා අනුව වඩාත් සුදුසු වාහනය තෝරා දෙන තීරණාත්මක මඟපෙන්වන්නෙකු (Decision Platform) ලෙස ක්රියා කරයි.
පාරිභෝගිකයාගේ පදිංචිය, දෛනික ගමන් බිමන් රටාව සහ අයවැය වැනි කරුණු අටක් යටතේ විමසන ප්රශ්නාවලියක් හරහා ඔවුන්ට වඩාත් ගැළපෙන විද්යුත් හෝ හයිබ්රිඩ් වාහන තුනක් මෙමගින් නිර්දේශ කෙරේ. එක්සත් අරාබි එමීර් රාජ්යයේ විද්යුත් වාහන වෙළෙඳපොළ වේගයෙන් වර්ධනය වෙමින් පවතින අතර, 2021 වසරේදී 0.7%ක්ව පැවති වාහන අලෙවිය 2023 වන විට 13%ක් දක්වා ඉහළ ගොස් ඇත. 2025 වසරේ පළමු භාගයේදී පමණක් ඩුබායි රාජ්යය තුළ වාහන ලියාපදිංචිය 41%කින් ඉහළ ගොස් ඇති බව ද වාර්තාවල සඳහන් වේ.
2050 වසර වන විට මෙරට සමස්ත වාහනවලින් 50%ක් විද්යුත් වාහන බවට පත්කිරීමේ රජයේ ඉලක්කය සපුරා ගැනීම සඳහා මෙම Drive EV පද්ධතිය මහඟු දායකත්වයක් සපයනු ඇතැයි අපේක්ෂා කෙරේ. නොමිලේ ලියාපදිංචිය සහ මහාමාර්ග ගාස්තු (Toll) නිදහස් කිරීම වැනි රජයේ සහන හේතුවෙන් එරට ජනතාව විද්යුත් වාහන සඳහා යොමු වීමේ විශාල ප්රවණතාවක් පවතින බව ද එහි වැඩිදුරටත් සඳහන් වේ.
