රාජ්ය බුද්ධි සේවයේ හිටපු ප්රධානී මේජර් ජනරාල් සුරේෂ් සලේ මහතා අත්අඩංගුවට ගැනීමට එරෙහිව සංවිධානය කරනු ලබන මහජන පෙත්සම සඳහා මේ වන විට පුද්ගලයින් 32,000කට අධික පිරිසක් අත්සන් තබා ඇති බව වාර්තා වේ. නව ජනතා පෙරමුණ සහ ඒකාබද්ධ විපක්ෂය එක්ව සංවිධානය කරන මෙම පෙත්සම් ව්යාපාරය පිළිබඳව අදහස් දක්වමින් නව ජනතා පෙරමුණේ නායක සුගීෂ්වර බණ්ඩාර මහතා පැවසුවේ, දිවයිනේ මැතිවරණ කොට්ඨාස රැසක ජනතාව ඉතා උද්යෝගයෙන් මීට දායක වන බවයි.
වත්මන් රජය ක්රියාත්මක කරන බව කියන “රණවිරු දඩයමට” එරෙහිව ජනතාව පෙළගැස්වීම මෙහි අරමුණ බවත්, අත්සන් ලක්ෂයක් සම්පූර්ණ කිරීමෙන් අනතුරුව එම පෙත්සම ජනාධිපතිවරයා වෙත භාරදීමට සැලසුම් කර ඇති බවත් ඔහු සඳහන් කළේය. මෙම විරෝධතාව සඳහා මෙරට වෙසෙන ජනතාවට අමතරව විදේශගත ශ්රී ලාංකිකයින්ගේ දායකත්වය ද හිමිවෙමින් පවතින බව හෙතෙම පෙන්වා දුන්නේය.
මහා සංඝරත්නය ප්රමුඛ ආගමික නායකයින්, නීතිඥයින්, වෛද්යවරුන් ඇතුළු වෘත්තීයවේදීන් සහ මාධ්ය ක්රියාකාරීන් රැසක් ද රජයේ මෙම තීරණයට විරෝධය පළ කරමින් පෙත්සමට අත්සන් තබා ඇති බව සුගීෂ්වර බණ්ඩාර මහතා වැඩිදුරටත් අවධාරණය කළේය.
