හෝමුස් සමුද්ර සන්ධිය විවෘත කිරීම සඳහා තමා ලබාදුන් අවසන් කාලසීමාවට පෙර එකඟතාවයකට පැමිණීමට ඉරානය අපොහොසත් වුවහොත් එම මුළු රටම “එක් රැයකින්” විනාශ කළ හැකි බවට ඇමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ අඟහරුවාදා වොෂින්ටන් වේලාවෙන් රාත්රී 8.00 ට (ශ්රී ලංකා වේලාවෙන් හෙට අලුයම 5.30 ට) මෙම කාලසීමාව අවසන් වන අතර ඉන් අනතුරුව ඉරානය “ශිලා යුගය” කරා ඇද දැමීමට කටයුතු කරන බවත් එරට සියලුම පාලම් සහ විදුලි බලාගාර විනාශ කරන බවත් ජනාධිපතිවරයා අවධාරණය කළේය ඉරානය මේ වන විට තාවකාලික සටන් විරාම යෝජනා ප්රතික්ෂේප කර ඇති නමුත් ඔවුන් යහපත් චේතනාවෙන් සාකච්ඡා කරනු ඇතැයි තමා තවමත් බලාපොරොත්තු වන බව ද ඔහු පැවසීය
මෙම තීරණාත්මක මාධ්ය හමුව සඳහා ඇමෙරිකානු ඒකාබද්ධ මාණ්ඩලික ප්රධානීන්ගේ සභාපති ජෙනරාල් ඩෑන් කේන් සහ ආරක්ෂක ලේකම් පීට් හෙග්සෙත් ද සහභාගී වූහ ඉරානයට ඉහළින් බිම හෙලන ලද එෆ්-15 (F-15) ප්රහාරක යානයේ ගුවන් නියමුවන් දෙදෙනා බේරා ගැනීමේ සාර්ථක මෙහෙයුම මෙහිදී ඇගයීමට ලක් කළ ජනාධිපතිවරයා ඇමෙරිකානු හමුදාව සතු බලය ඕනෑම මොහොතක ක්රියාත්මක කිරීමට සූදානම් බව සඳහන් කළේය කෙසේ වෙතත් ඉරානයේ යටිතල පහසුකම් මෙලෙස විනාශ කිරීම යුද අපරාධයක් විය හැකි බවට නීති විශාරදයන් අනතුරු අඟවා ඇතත් ජනාධිපති ට්රම්ප් පවසන්නේ ඉරාන ජනතාව නිදහස වෙනුවෙන් මෙවැනි කැපකිරීම් කිරීමට සූදානම් වනු ඇති බවයි
මෙම ගැටුමේදී ඇමෙරිකාවට සහාය දීමට අපොහොසත් වූ බ්රිතාන්යය නේටෝ (NATO) සංවිධානය සහ දකුණු කොරියාව වැනි මිත්ර රටවල් ද ජනාධිපතිවරයාගේ දැඩි දෝෂදර්ශනයට ලක් විය නේටෝ සංවිධානය මෙලෙස මගහැරීම ඉතිහාසයේ නොමැකෙන කැළලක් වනු ඇති බව ඔහු පැවසීය යුද්ධය ආරම්භ වූ දා සිට මේ දක්වා ඇමෙරිකානු හමුදා ඉරානය පුරා ප්රහාර 13,000 කට අධික සංඛ්යාවක් එල්ල කර ඇති බව මධ්යම බලඇණිය (CENTCOM) තහවුරු කර ඇත ඉරානය තුළ පවතින සන්නිවේදන බාධා නිසා සාකච්ඡා සඳහා පිළිතුරු ලැබීම ප්රමාද වීම ද පවතින තත්ත්වය තවදුරටත් සංකීර්ණ කිරීමට හේතු වී තිබේ
