අමෙරිකානු ජනාධිපති ඩොනල්ඩ් ට්රම්ප් විසින් ඉරානය සමඟ සති දෙකක සටන් විරාමයක් ප්රකාශයට පත් කර පැය කිහිපයකට පසුව, ජනාධිපතිවරයා සතු යුද බලතල සීමා කිරීමේ විශේෂ යෝජනාවක් ලබන සතියේදී සෙනෙට් මණ්ඩලය වෙත ඉදිරිපත් කරන බව සෙනෙට් ප්රජාතන්ත්රවාදී නායක චක් ෂූමර් මහතා ප්රකාශ කළේය. ඉරානයට එරෙහිව සිදු කෙරෙන ඕනෑම ප්රහාරයකට පෙර කොංග්රස් මණ්ඩලයේ අනුමැතිය ලබා ගැනීම අනිවාර්ය කිරීම මෙම යෝජනාවේ මූලික අරමුණයි.
හෝමුස් සමුද්ර සන්ධිය යළි විවෘත නොකළහොත් ඉරානයේ සිවිල් යටිතල පහසුකම් ඉලක්ක කර ගනිමින් දැවැන්ත ප්රහාර එල්ල කරන බවට ජනාධිපති ට්රම්ප් මීට පෙර තර්ජනය කර තිබූ අතර, එහිදී ඔහු ප්රකාශ කළ “මුළු ශිෂ්ටාචාරයක්ම අද රාත්රියේ මිය යනු ඇත” යන ප්රකාශය ජාත්යන්තරයේ දැඩි දෝෂදර්ශනයට ලක් විය. 1949 ජිනීවා සම්මුතියට අනුව සිවිල් වැසියන්ට අත්යවශ්ය ස්ථාන වෙත ප්රහාර එල්ල කිරීම තහනම් වන අතර, ට්රම්ප්ගේ මෙම ප්රකාශයන් “නොහික්මුණු” ප්රකාශ ලෙස චක් ෂූමර් විවේචනය කළේය.
මෙම යුද්ධය හේතුවෙන් ඉරාන රජය දුර්වල කිරීමට හෝ ඔවුන්ගේ න්යෂ්ටික වැඩපිළිවෙළ පාලනය කිරීමට නොහැකි වී ඇති බවත්, ඒ වෙනුවට ලෝක වෙළඳපොළේ ඉන්ධන මිල ඉහළ ගොස් ඇති බවත් ෂූමර් මහතා වැඩිදුරටත් පෙන්වා දුන්නේය. එවැනි භයානක මොහොතක රටේ තීරණාත්මක බලතල සම්බන්ධයෙන් කොංග්රස් මණ්ඩලයේ මැදිහත්වීම අත්යවශ්ය බව සෙනෙට් නායකයා අවධාරණය කළේය.
