රජයේ වෛද්ය නිලධාරීන්ගේ සංගමය (GMOA) අද (09) ක්රියාත්මක කරන වෘත්තීය සමිති ක්රියාමාර්ගය දැඩි ලෙස විවේචනය කළ සෞඛ්ය අමාත්ය නලින්ද ජයතිස්ස මහතා, ඔවුන් සමඟ අද පැවැත්වීමට නියමිතව තිබූ සාකච්ඡාව අවලංගු කරන බව පාර්ලිමේන්තුවේදී අද ප්රකාශ කළේය.
වෛද්යවරුන්ගේ හැසිරීම සහ මෙම වැඩවර්ජනය ඉතා අසාධාරණ බව පෙන්වා දුන් අමාත්යවරයා, මෙවැනි තත්ත්වයක් තුළ තවදුරටත් සාකච්ඡා කිරීමේ පලක් නොමැති බව අවධාරණය කළේය. රජය මෙම වර්ජනයට මුහුණදීමට සූදානම් බවත්, රෝගී ජනතාව අපහසුතාවයට පත් කරමින් සිදුකරන මෙවැනි ක්රියාමාර්ග හමුවේ තම ස්ථාවරය වෙනස් නොකරන බවත් ඔහු වැඩිදුරටත් සඳහන් කළේය.
නවක වෛද්යවරුන් 436 දෙනෙකු සේවයට අනුයුක්ත කර ඇති මොහොතක, මෙවැනි වර්ජන මගින් සෞඛ්ය පද්ධතිය අකර්මණ්ය කිරීමට ඉඩ නොදෙන බව රජයේ ස්ථාවරය වී තිබේ.
