ඉන්දීය ප්රිමියර් ලීග් (IPL) ඇතුළු ජාත්යන්තර ලීග් තරගාවලි සඳහා සහභාගී වීමට අවශ්ය “විරෝධතා නොමැති සහතිකය” (NOC) තමන් වෙත නිකුත් කරන ලෙස ශ්රී ලංකා ක්රිකට් ආයතනයට නියෝග කරන්නැයි ඉල්ලා වේග පන්දු යවන ක්රීඩක නුවන් තුෂාර ගොනු කළ පැමිණිල්ලට එරෙහිව කරුණු දැක්වීමට ශ්රී ලංකා ක්රිකට් ආයතනය තීරණය කර තිබේ.
අද (09) කොළඹ දිසා අධිකරණය හමුවේ මෙම කරුණ දැනුම් දුන් ක්රිකට් ආයතනය, නුවන් තුෂාරගේ ඉල්ලීමට එරෙහිව කරුණු ගොනු කරන බව සඳහන් කළේය. ඒ අනුව, අදාළ විරෝධතා ඉදිරිපත් කිරීම සඳහා මෙම පැමිණිල්ල ලබන අප්රේල් මස 23 වනදා යළි කැඳවීමට අධිකරණය නියම කළේය.
2026 IPL තරගාවලිය සඳහා සහභාගී වීමට ක්රිකට් ආයතනයෙන් අවසර නොලැබීම හේතුවෙන් නුවන් තුෂාර මෙම නීතිමය පියවර ගෙන ඇති අතර, ජාතික කණ්ඩායමේ කොන්ත්රාත්තු සහ ඉදිරි තරග සංචාර පදනම් කරගනිමින් ක්රිකට් ආයතනය මෙම අවසරය ලබාදීම ප්රතික්ෂේප කර ඇති බව වාර්තා වේ.
