ඉරාන යුද්ධයට එක්වීමට අපොහොසත් වීම හේතුවෙන් නේටෝ (NATO) සංවිධානයේ සාමාජික රටවල් කෙරෙහි සිය දැඩි අප්රසාදය පළ කර ඇති අමෙරිකානු ජනාධිපති ඩොනල්ඩ් ට්රම්ප්, එම සංවිධානය “කණගාටුදායක” (Disappointing) බවට යළිත් ප්රකාශ කර තිබේ. නේටෝ ප්රධානී මාර්ක් රූට් සමඟ පැවති සංවෘත දොරටු සාකච්ඡාවකින් අනතුරුව සිය ‘Truth Social’ ගිණුමේ සටහනක් තබමින් ජනාධිපතිවරයා මේ බව සඳහන් කර ඇත.
අමෙරිකාව දශක අටකට ආසන්න කාලයක් සබඳතා පැවැත්වූ මෙම ආරක්ෂක සන්ධානයෙන් ඉවත් වීමට ට්රම්ප් සූදානම් වන බවට දේශපාලන විචාරකයන් අතර බියක් පවතින පසුබිමක මෙම ප්රකාශය නිකුත් වී තිබේ. දැඩි පීඩනයක් එල්ල කරන තෙක් නේටෝ සංවිධානයේ කිසිවකුත් කිසිවක් වටහා නොගන්නා බවත්, ඔවුන්ගේ ක්රියාකලාපය අතිශය කලකිරීමට පත්වන සුළු බවත් ඔහු එහිදී අවධාරණය කර ඇත. මීට අමතරව ග්රීන්ලන්තය අත්පත් කර ගැනීමේ සිය අරමුණ පිළිබඳව ද ජනාධිපතිවරයා මෙහිදී යම් ඉඟියක් ලබා දී ඇති බව විදෙස් මාධ්ය වාර්තා කරයි.
