ලෙබනනය ද ඇතුළත් වන පරිදි එකඟ වී ඇති සටන් විරාම කොන්දේසි ආරක්ෂා කිරීමට ඇමරිකා එක්සත් ජනපදය වහාම මැදිහත් විය යුතු බව ඉරාන විදේශ අමාත්ය අබ්බාස් අරග්චි (Abbas Araghchi) අවධාරණය කරයි. ලෙබනනය සඳහා පත් කිරීමට නියමිත නව ඉරාන තානාපති මොහොමඩ් රේසා ශිබානි සමඟ පැවැති දුරකථන සාකච්ඡාවකදී අමාත්යවරයා මේ බව ප්රකාශ කර තිබේ.
සටන් විරාම එකඟතාවන්ට අනුව ලෙබනනය තුළ පවතින ගැටුම්කාරී තත්ත්වය නැවැත්වීම සඳහා ඇමරිකාව සිය වගකීම ඉටු කළ යුතු බව ඉරානය පවසයි. ලෙබනනය තුළ ඊශ්රායලය දිගින් දිගටම සිදු කරන ප්රහාර දැඩි ලෙස හෙළා දුටු අමාත්යවරයා, අදාළ සටන් විරාම අවබෝධතාවලට ගරු කරමින් එම ප්රහාර වහාම නැවැත්වීමට කටයුතු කළ යුතු බව වැඩිදුරටත් සඳහන් කළේය.
මෙම ප්රකාශය නිකුත් වන්නේ ඇමරිකානු උප ජනාධිපති ජේ.ඩී. වෑන්ස් ඉරානය සමඟ තීරණාත්මක සාකච්ඡා සඳහා අද (අප්රේල් 10) පිටත්ව ගිය පසුබිමක වීම විශේෂත්වයකි.
