ඓතිහාසික ‘ආටෙමිස් 2’ (Artemis II) මෙහෙයුම සාර්ථකව නිමා කරමින් එහි ගගනගාමීන් කණ්ඩායම දින 10ක සඳ වටා සංචාරයකින් පසු අද (11) අලුයම පැසිෆික් සාගරයට නිරුපද්රිතව පතිත විය. පෘථිවි වායුගෝලයට ඇතුළු වීමේදී මිනිත්තු හයක තීරණාත්මක සන්නිවේදන බිඳ වැටීමකින් පසු ගගනගාමීන් රැගත් යානය සාර්ථකව පෘථිවියට ළඟා වූ බව නාසා (NASA) ආයතනය නිවේදනය කළේය.
මෙම මෙහෙයුමේදී අප්රේල් 6 වන දින යානය පෘථිවියේ සිට කිලෝමීටර් 406,771 ක උපරිම දුරක් ගමන් කරමින්, මිනිසෙකු අභ්යවකාශයේ වැඩිම දුරක් ගමන් කිරීමේ ලෝක වාර්තාව ද අලුත් කිරීමට සමත් විය. සඳ වෙත යළිත් මිනිසුන් ගොඩබැස්වීමේ ඉදිරි මෙහෙයුම් සඳහා මෙම සාර්ථකත්වය ඉතා වැදගත් අඩිතාලමක් වනු ඇත.
ගලවා ගැනීමේ කණ්ඩායම් මේ වන විටත් ගගනගාමීන් පරීක්ෂා කර ඔවුන් යානයෙන් පිටතට ගැනීමට කටයුතු කරමින් සිටී. මෙම ජයග්රහණයත් සමඟ වසර 50කට වැඩි කාලයකට පසු සඳ වටා ගමන් කළ ප්රථම මානව කණ්ඩායම ලෙස මොවුන් ඉතිහාසයට එක් වේ.
