ඉන්දියාවේ මුන්ද්රා (Mundra) වරාය එරට විශාලතම මෝටර් රථ අපනයන මධ්යස්ථානය ලෙස ඉතිහාසගත වෙමින්, තනි නෞකාවක මෝටර් රථ 6,008ක් අපනයනය කරමින් නව ජාතික වාර්තාවක් පිහිටුවා තිබේ. අදානි වරාය සහ විශේෂ ආර්ථික කලාපය (APSEZ) විසින් මෙහෙයවනු ලබන මෙම වරාය ලැබූ ජයග්රහණය ඉන්දියාවේ මෝටර් රථ නිෂ්පාදන ශක්තිය සහ කාර්යක්ෂම සැපයුම් ජාලය ලොවට විදහා දක්වන්නකි.
මුන්ද්රා වරායේ පවතින උසස් තාක්ෂණයෙන් යුත් ‘රෝල්-ඔන්/රෝල්-ඕෆ්’ (RoRo) පර්යන්තය මෙම සුවිශේෂී ජයග්රහණයට ප්රධාන හේතුව වී ඇත. මෙම ක්රමය හරහා වාහන කෙලින්ම නෞකාව තුළට ධාවනය කරවීමට හැකි බැවින්, Loading සහ Unloading කටයුතු ඉතා වේගවත් වන අතර වාහනවලට සිදුවන හානිය අවම කරමින් පිරිවැය අඩු කර ගැනීමට ද හැකියාව ලැබේ. මෙමඟින් අප්රිකාව, ලතින් ඇමරිකාව, මැදපෙරදිග සහ යුරෝපය වැනි ප්රධාන කලාප කරා ඉන්දියානු මෝටර් රථ වේගයෙන් අපනයනය කිරීමට මග පෑදී තිබේ.
අදානි වරාය සමාගම මේ වන විට ටොන් මිලියන 500ක භාණ්ඩ හැසිරවීමේ ධාරිතාව ඉක්මවා ගොස් ඇති අතර 2030 වසර වන විට එය ටොන් බිලියනය දක්වා ඉහළ නැංවීමට ඉලක්ක කර ඇත. ඉන්දියාව ගෝලීය මෝටර් රථ වෙළඳපොළේ ප්රධාන සැපයුම්කරුවෙකු බවට පත් වෙමින් පවතින පසුබිමක මුන්ද්රා වරාය ලැබූ මෙම ප්රගතිය එරට ආර්ථිකයට දැවැන්ත ශක්තියක් වනු නොඅනුමානය.
