ඇමෙරිකානු මත විමසුම් පර්යේෂණ ආයතනයක් වන මෝනිං කන්සල්ට් (Morning Consult) විසින් ලොව ප්රජාතන්ත්රවාදී රටවල් 24ක නායකයන් සම්බන්ධයෙන් සිදු කළ සමීක්ෂණයකට අනුව, ජර්මානු චාන්සලර් ෆ්රෙඩ්රික් මර්ස් (Friedrich Merz) මහතා ලොව අවම ජනප්රියතාවයක් සහිත නායකයා බවට පත්ව තිබේ. මෙම සමීක්ෂණයට අනුව ජර්මානුවන්ගෙන් 19%ක් පමණක් ඔහුගේ වැඩපිළිවෙළ ගැන සෑහීමකට පත්වන අතර 76%ක් තරම් ඉහළ පිරිසක් ඔහු කෙරෙහි අප්රසාදය පළ කර ඇති බව වාර්තා වේ.
මීට සමාන ප්රතිඵල පෙන්වූ තවත් සමීක්ෂණයක් මඟින් හෙළි වී ඇත්තේ ඔහු කෙරෙහි පවතින අප්රසාදය 78%ක් දක්වා ඉහළ ගොස් ඇති බවයි. සමීක්ෂණ දත්තයන්ට අනුව ඉහළම ජනප්රියතාවක් හිමි කරගෙන ඇත්තේ ඉන්දීය අග්රාමාත්ය නරේන්ද්ර මෝදි වන අතර, ප්රංශ ජනාධිපති එමානුවෙල් මැක්රොන් ද 18%ක අවම අනුමැතියක් සමඟ මෙම ලැයිස්තුවේ පහළින්ම පසු වෙයි. ෆෝසා (Forsa) මත විමසුම් ආයතනයේ ප්රධානී මැන්ෆ්රඩ් ගුල්නර් පවසන්නේ 2000 දශකයේ මුල් භාගයේ ක්රියාකාරී දේශපාලනයට පිවිසි සමයේ සිටම ෆ්රෙඩ්රික් මර්ස් ජර්මනියේ ජනප්රිය නොවූ දේශපාලනඥයෙකු බවයි.
