අලුත් අවුරුදු උත්සව සමයේ සිදුවන රිය අනතුරු අවම කරගැනීම සඳහා දිවයින පුරා රථවාහන නීතිය දැඩිව ක්රියාත්මක කරන බව බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්ත මහතා අවධාරණය කරයි. වසරේ මේ දක්වා කාලය තුළ පමණක් රිය අනතුරුවලින් පුද්ගලයින් 713 දෙනෙකු ජීවිතක්ෂයට පත්ව ඇති බව පොලිස් වාර්තා පෙන්වා දෙයි.
මේ අතර සෞඛ්ය අංශ පෙන්වා දෙන්නේ සාමාන්ය සතියකදී සිදුවන අනතුරු වලට වඩා මෙවර අවුරුදු සතියේ රෝහල්ගත කිරීම් 14% කින් පමණ ඉහළ ගොස් ඇති බවයි. සාමාන්යයෙන් සතියකට පුද්ගලයින් 25,000 ක් රෝහල්ගත වන අතර, අවුරුදු උදාවට පෙර සතියේ එම සංඛ්යාව 30,000 දක්වා ඉහළ ගොස් තිබේ. කෙසේ වෙතත්, පසුගිය වසරවලට සාපේක්ෂව ගිනිකෙළි අනතුරුවල යම් අඩුවීමක් දක්නට ලැබෙන බව රජයේ වෛද්ය නිලධාරීන්ගේ සංගමය සඳහන් කරයි.
