මෙවර සිංහල සහ දෙමළ අලුත් අවුරුද්ද සැමරීම සඳහා විදෙස්ගතව සිටින ශ්රී ලාංකිකයන් ද මහත් උද්යෝගයකින් එක්ව සිටින බව වාර්තා වේ. ඇමෙරිකා එක්සත් ජනපදයේ මේරිලන්ඩ් ජාත්යන්තර බෞද්ධ මධ්යස්ථානයේ දී සංවිධානය කර තිබූ බක්මහ උළෙලක් ඇමෙරිකාවේ ශ්රී ලංකා තානාපති මහින්ද සමරසිංහ මහතාගේ ප්රධානත්වයෙන් පැවැත්විණි. ඇමෙරිකාවේ ප්රධාන අධිකරණ සංඝනායක පූජ්ය කටුගස්තොට උපරතන ස්වාමින්වහන්සේගේ මූලිකත්වයෙන් සංවිධානය වූ මෙම උත්සවය විවිධ සාම්ප්රදායික ජන ක්රීඩා රැසකින් වර්ණවත් වී තිබුණි.
මීට අමතරව ඕස්ට්රේලියාවේ බ්රිස්බේන් නගරයේ දී “ලංකා ලයන්ස්” සාමුහිකය විසින් සංවිධානය කළ අලුත් අවුරුදු උත්සවය ද ශ්රී ලාංකිකයන් විශාල පිරිසකගේ සහභාගීත්වයෙන් අතිසාර්ථක ලෙස පවත්වා ඇත. සාම්ප්රදායික අවුරුදු සිරිත් විරිත් සහ ක්රීඩා රැසක් ඇතුළත් වූ මෙම උත්සවයන් විදෙස්ගත ශ්රී ලාංකිකයන් අතර සිය මව්බිමේ සංස්කෘතික අනන්යතාවය සහ එකමුතුකම තහවුරු කිරීමට මනා පිටුවහලක් විය.
