ඉරානය සමඟ පවතින රාජ්ය තාන්ත්රික අර්බුදය සමනය කිරීම සඳහා වන මීළඟ වටයේ සෘජු සාම සාකච්ඡා මෙම සති අන්තය වන විට ආරම්භ වීමට නියමිත බව ඇමරිකානු ජනාධිපති ඩොනල්ඩ් ට්රම්ප් ප්රකාශ කර ඇත. හෝමූස් සමුද්ර සන්ධිය ඉලක්ක කරගනිමින් ක්රියාත්මක වන ඇමරිකානු නාවික අවහිරතාවය (Blockade) ඉතා සාර්ථක වී ඇති බවත්, එම හේතුවෙන් ඉරානයට කිසිදු ව්යාපාරික කටයුත්තක නිරත වීමට නොහැකි වී ඇති බවත් ඔහු මෙහිදී අවධාරණය කළේය.
ජනාධිපතිවරයා වැඩිදුරටත් පෙන්වා දුන්නේ වත්මන් යුධමය තත්ත්වය හමුවේ ඉරානයේ නාවික සහ ගුවන් හමුදා ශක්තිය මෙන්ම ගුවන් ආරක්ෂක පද්ධතීන් ද සම්පූර්ණයෙන්ම පාහේ විනාශ වී ඇති බවයි. “ඔවුන් සතුව දැන් කිසිවක් නැහැ, ඔවුන්ගේ නායකයින් පවා අහිමි වී තිබෙනවා” යනුවෙන් ප්රකාශ කළ ට්රම්ප්, ඉරානය මේ වන විට අතිශය දුර්වල මට්ටමක පසුවන බවත්, එබැවින් සාම ගිවිසුමකට පැමිණීම ඔවුන්ට ඇති එකම විකල්පය බවත් පවසා සිටියේය. මෙම සති අන්තයේ පැවැත්වීමට නියමිත සාකච්ඡාවලදී හෝමූස් සමුද්ර සන්ධිය විවෘත කිරීම සහ කලාපීය සාමය තහවුරු කිරීම පිළිබඳව අවසාන එකඟතාවයකට පැමිණීමට බලාපොරොත්තු වන බව ද වාර්තා වේ.
තොරතුරු උපුටා ගැනීම: fox news ඇසුරින්
