වෙනිසියුලානු නායකත්වය පෙරළා දමා ඉරානයට එරෙහිව යුධ ප්රකාශ කිරීමෙන් අනතුරුව, ඇමරිකානු ජනාධිපති ඩොනල්ඩ් ට්රම්ප්ගේ මීළඟ ඉලක්කය කියුබාව බවට ලැබෙන අනතුරු ඇඟවීම් හමුවේ එරට ජනාධිපති මිගෙල් ඩයස්-කැනෙල් (Miguel Diaz-Canel) විශේෂ ප්රකාශයක් සිදු කර ඇත. ඇමරිකාවෙන් එල්ල විය හැකි ඕනෑම ආකාරයක ප්රහාරයකට මුහුණ දීමට තම රට ‘සූදානම්’ බව ඔහු අවධාරණය කරයි.
පසුගිය මාස කිහිපය පුරා ඩොනල්ඩ් ට්රම්ප් පරිපාලනය විසින් කියුබාව වෙත එල්ල කරන ආර්ථික හා දේශපාලනික පීඩනය දැඩි වී ඇති අතර, වෙනිසියුලාවේ සහ ඉරානයේ සිදුවූ වෙනස්කම්වලින් පසුව කියුබාව “මීළඟ ඉලක්කය” වනු ඇති බවට ට්රම්ප් ප්රසිද්ධියේ ප්රකාශ කර තිබේ. මෙම තර්ජනයන්ට පිළිතුරු දෙමින් කියුබානු ජනාධිපතිවරයා පවසා සිටියේ තම රටේ ස්වෛරීභාවය ආරක්ෂා කර ගැනීම සඳහා ජනතාව සහ හමුදාව එක්ව ඕනෑම අභියෝගයකට මුහුණ දෙන බවයි. මෙම ප්රකාශයත් සමඟ කැරිබියන් කලාපය තුළ පවතින භූ-දේශපාලනික නොසන්සුන්තාවය තවදුරටත් වර්ධනය වී ඇති අතර, ඇමරිකාවේ විදේශ ප්රතිපත්තිය තවදුරටත් ප්රහාරාත්මක මුහුණුවරක් ගනු ඇතැයි ජාත්යන්තර විශ්ලේෂකයෝ මත පළ කරති.
තොරතුරු උපුටා ගැනීම: AFP ඇසුරින්
